ໃນໂອກາດເຄື່ອນໄຫວເຮັດວຽກທີ່ແຂວງອັດຕະປື ທ່ານ ລັດຖະມົນຕີກະຊວງ ອຸດສາຫະກຳ ແລະ ການຄ້າ (ອຄ) ໄດ້ຊິ້ນຳໃຫ້ພະແນກ ອຸດສາຫະກຳ ແລະ ການຄ້າ ແຂວງ ຈົ່ງຕັັ້ງໜ້າປະ ຕິບັດຄຳສັ່ງ 15/ນຍ ໃຫ້ເຂັ້ມງວດເພື່ອແກ້ໄຂບັນຫາການດຳເນີນທຸລະກິດໄມ້ຜິດກົດໝາຍ ໃຫ້ຫຼຸດລົງ ຫຼື ບໍ່ໃຫ້ມີເລີຍຍິ່ງເປັນການດີທີ່ສຸດ.

ວັນທີ 28 ສິງຫາ 2019 ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງ ອຸດສາຫະກຳ ແລະ ການຄ້າ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອັດຕະປື ໂດຍໃຫ້ກຽດຕ້ອນຮັບຈາກ ທ່ານ ເລັດ ໄຊຍະພອນ ເຈົ້າແຂວງອັດຕະປື, ມີຫົວໜ້າຫ້ອງ ການ ອຄ 5 ເມືອງ ພ້ອມດ້ວຍຄະນະພັກ-ຄະນະພະແນກ ແລະ ພະນັກງານລັດຖະກອນພະ ແນກດັ່ງກ່າວເຂົ້າຮ່ວມ.

ທ່ານ ຄຳຫວັນ ຈັນທະໂຄດ ຫົວໜ້າພະແນກ ອຄ ແຂວງອັດຕະປື ໄດ້ລາຍງານສະພາບການ ຈັດຕັ້ງປະຕິບັດວຽກງານອຸດສາຫະກຳ ແລະ ການຄ້າ ໃນໄລຍະ 6 ເດືອນຜ່ານມາສະເພາະ ວຽກງານການຄ້າພາຍໃນສາມາດເຂົ້າທຳລາຍສິນຄ້າເກື້ອດຫ້າມ, ສິນຄ້ານອກລະບົບ, ສິນ ຄ້າບໍ່ເສຍພາສີນຳເຂົ້າ ແລະ ສິນຄ້າເຊື່ອມຄຸນ ທີ່ເມືອງໄຊເສດຖາ ມູນຄ່າ 10 ລ້ານກວ່າກີບ ແລະ ໄດ້ລົງກວດສິນຄ້າດັ່ງກ່າວຢູ່ເມືອງສະໜາມໄຊ ແລະ ເມືອງໄຊເສດຖາ ເປັນຕົ້ນ: ເຂົ້າ ໜົມ, ນົມ, ໝີ່, ນ້ຳຫວານ, ຢາສູບ ແລະ ອື່ນໆ ລວມ ມູນຄ່າ 3,2 ລ້ານກີບ.

ການນຳເຂົ້າ-ສົ່ງອອກເຫັນວ່າມີທ່າອ່ຽງດີຂຶ້ນ ຊຶ່ງຕົວເລກປະຕິບັດໄດ້ທັງໝົດ 56,41 ລ້ານ ໂດລາສະຫະລັດ ສ່ວນການພັດທະນາ ແລະ ການຈັດຕັ້ງປະຕິບັດວຽກງານຂະແໜງອຸດສາ ຫະກຳ ແລະ ຫັດຖະກຳ ໄດ້ຂະຫຍາຍຕົວໄວຕໍ່ເນື່ອງ ຊຶ່ງສະແດງອອກຕົວເລກການຜະລິດ ແລະ ຈຳໜ່າຍ ພາຍໃນ ແລະ ສົ່ງອອກຕ່າງປະເທດພາຍໃນເດືອນກໍລະກົດ ປະຕິບັດໄດ້ 397,19 ຕື້ກີບ ຊຶ່ງ ມາຮອດປະຈຸບັນທົ່ວແຂວງມີໂຮງງານທັງໝົດ 36 ຫົວໜ່ວຍ, ໃນນັ້ນ ໂຮງງານທີ່ມີການປັບປຸງ ແລະ ດັດສົມຕາມຄຳສັ່ງເລກທີ 15/ນຍ ແລະ ສາມາດຜະລິດເປັນ ຜະລິດຕະພັນສຳເລັດ ຮູບມີ 29 ຫົວໜ່ວຍ, ອຸດສາຫະກຳປຸງແຕ່ງ, ຫັດຖະກຳອື່ນໆມີທ່າອ່ຽງ ເພິ່ມຂຶ້ນ, ໂຮງງານປຸງແຕ່ງໄມ້ນັບມື້ຫຼຸດລົງ, ໄດ້ລຶບລ້າງໄປນຳ ແລະ ຢຸດເຊົາເອງໃນຕົວ.

ນອກນີ້ ຍັງໄດ້ເອົາໃຈໃສ່ຈັດຕັ້ງປະຕິບັດຄຳສັ່ງ 15/ນຍ ຢ່າງເຂັ້ມງວດ ແລະ ໄດ້ເຜີຍແຜ່ ເຊື່ອມຊືມໃຫ້ຄະນະສະເພາະກິດຜັນຂະຫຍາຍໃຫ້ພະນັກງານ, ປະຊາຊົນ, ນັກທຸລະກິດຮັບຮູ້ ແລະ ຈັດຕັ້ງປະຕິບັດນິຕິກຳລຸ່ມຄຳສັ່ງ 15/ນຍ ເປັນຕົ້ນກວດກາ, ແກ້ໄຂການຂາຍດຳເນີນ ທຸລະກິດໄມ້ຜິດກົດໝາຍຕິດພັນກັບການຄຸ້ມຄອງໂຮງງານ, ການປັບປຸງດັດສົມໂຮງງານ, ການປຸງແຕ່ງ, ການສົ່ງອອກຜະລິດຕະພັນໄມ້ໃຫ້ຖືກຕາມລະບຽບກົດໝາຍຢ່າງເຂັ້ມງວດ, ຮັດກຸມ ພ້ອມນີ້ຍັງມີວຽກອື່ນໆນຳ.

ໃນໂອກາດນີ້ ທ່ານ ນາງ ເຂັມມະນີ ພົນເສນາ ໄດ້ໂອ້ລົມໃຫ້ທິດຊີ້ນຳໃຫ້ພະນັກງານການນຳ ພະແນກອຸດສາຫະກຳ ແລະ ການຄ້າ ຈົ່ງຕັ້ງໜ້າປະຕິບັດຄຳສັ່ງເລກທີ 15/ນຍ ໃຫ້ເຂັ້ມງວດ, ເພື່ອແກ້ໄຂການດຳເນີນທຸລະກິດໄມ້ຜິດກົດໝາຍໃຫ້ຫຼຸດລົງ ຫຼື ບໍ່ໃຫ້ມີເລີຍຍິ່ງເປັນການດີທີ່ ສຸດ, ຮຽກຮ້ອງໃຫ້ສືບຕໍ່ອຳນວຍຄວາມສະດວກທາງດ້ານການຄ້າ-ການບໍລິິການອື່ນໆໃຫ້ມີ ຄວາມແກ້ງແຍ້ງແຂ່ງຂັນກັນທຽບທັນກັບຊາດອື່ນ, ເອົາໃຈໃສ່ລະດົມນັກທຸລະກິດພາບໃນ ແລະ ຕ່າງປະເທດເຂົ້າມາລົງທຶນໃນແຂວງຂອງຕົນໃຫ້ຫຼາຍຂຶ້ນກວ່າເກົ່າ, ເອົາໃຈໃສ່ປຸກລະ ດົມນັກທຸລະກິດ, ຜູ້ປະກອບການເພື່ອສົ່ງເສີມການຜະລິດເປັນສິນຄ້າເພີ່ມຂຶ້ນ ແລະ ເປັນທີ່ ຍອມຮັບ ແລະ ມີຄວາມຕ້ອງການຂອງຕະຫຼາດຫຼາຍຂຶ້ນ.

ແຫຼ່ງຂໍ້ມູນຈາກ: ໜັງສືພິມ ເສດຖະກິດ-ສັງຄົມ