ຫ້ອງການແຮງງານສະຫວັດດີການ ແລະ ສັງຄົມ(ຮສສ) ເມືອງທ່າແຕງ ແຂວງ ເຊກອງໄດ້ຈັດພິທີມອບເຂົ້າ-ສານໜຽວໃຫ້ແກ່ຄອບຄົວຜູ້ທີ່ປະສົບເຄາະຮ້າຍໄພພິບັດນໍ້າຖວມປີ 2019 ແລະ ຄອບຄົວຜູ້ທຸກຍາກໃນທົ່ວເມືອງທ່າແຕງ ຂຶ້ນໃນວັນທີ 10 ມີຖຸນາຜ່ານມານີ້. ທີ່ຫ້ອງການ ຮສສ ເມືອງໂດຍການເປັນປະ¬ທານຂອງທ່ານ ສີສັກດາ ແສງນາລີວົງ ຫົວໜ້າຫ້ອງການ ຮສສ ເມືອງທ່າແຕງ, ມີພາກສ່ວນກ່ຽວຂ້ອງເຂົ້າຮ່ວມ.

ທ່ານ ຫົວໜ້າຫ້ອງການ ຮສສ ເມືອງທ່າແຕງໃຫ້ຮູ້ວ່າ: ການມອບເຂົ້າສານໜຽວໃນຄັ້ງນີ້, ແມ່ນໄດ້ປະຕິບັດຕາມຂໍ້ຕົກລົງຂອງທ່ານ ເຈົ້າເມືອງ ສະບັບເລກທີ 104 ລົງວັນທີ 18 ພຶດສະພາ 2020 ແລະ ປະຕິບັດຕາມແຜນແບ່ງປັນຂອງພະແນກແຮງງານສະຫວັດດີການ – ສັງຄົມ ແຂວງ ໃນຈໍານວນເຂົ້າສານໜຽວທັງໝົດ 139 ໂຕນ ເພຶ່ອຊ່ວຍເຫຼືອບັນເທົາທຸກໃຫ້ແກ່ຄອບຄົວຜູ້ທີ່ປະສົບເຄາະຮ້າຍຈາກໄພພິບັດນໍ້າຖ້ວມປີໃນ 2019 ຜ່ານມາ ແລະ ຄອບຄົວຜູ້ທຸກຍາກໃນທົ່ວເມືອງທ່າແຕງ ມີຈຳນວນ 36 ບ້ານ ຂອງ 6 ເຂດຈຸດສຸມພັດທະນາມີ 625 ຄອບຄົວ 3.784 ຄົນ.

Medialaos MMD