ຊ່ວຍເຫຼືອທະຫານຊາຍແດນ ມູນຄ່າ 50 ລ້ານກວ່າກີບ.

0
185

ທະຫານຊາຍແດນ ລາວ-ກຳປູເຈຍ ໄດ້ຮັບເຄື່ອງຊ່ວຍເຫຼືອ ມູນຄ່າ 50 ລ້ານກວ່າກີບ.
ເພື່ອເປັນການຊຸກຍູ້ກຳລັງໃຈ ໃຫ້ບັນດາ ອ້າຍນ້ອງນາຍ ແລະ ພົນທະຫານ ປະຈໍາຢູຊາຍແດນ ລາວ-ກຳປູເຈຍ ແຂວງອັດຕະປື ທີ່ໄດ້ປະຕິບັດໜ້າອັນສຳຄັນໃນການຮັກສາວຽກງານປ້ອງກັນຊາດ ແລະ ປ້ອງກັນຄວາມສະຫງົບຕາມຂັ້ນເທິງມອບໝາຍໃຫ້ ຢ່າງມີປະສິດທິຜົນຢູ່ນັ້ນ.


ວັນທີ 31 ສິງຫາ 2019 ທິມງານສົ່ງໃຈໃຫ້ແນວນ້າ ໄດ້ລົງມອບເຄື່ອງໃຫ້ນາຍ ແລະ ພົນທະຫານ ກອງຮ້ອຍຊາຍແດນລາວ-ກຳປູເຈຍ ເຊິ່ງເຄືອງດັ່ງກ່າວ ປະກອບມີ ເຄືອງ ອຸປະໂພກ ແລະ ບໍລິໂພກ ເປັນຕົ້ນ: ໝີ່, ປາປ໋ອງ, ສັງກະສີ, ມຸ້ງ, ຜ້າຮົມ ແລະ ອື່ນໆ ລວມມູນຄ່າທັງໝົດ 50 ລ້ານກ່ວາກີບ. ຕ່າງໜ້າມອບໂດຍ ທ່ານ ນາງ ມີນາພອນ ໄຊຊົມພູ ຮອງເລຂາພັກແຂວງ ແລະ ຕາງໜ້າຮັບໂດຍ ທ່ານ ພັອ ໂຊກໄຊ ພິມມາລາ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ ອັດຕະປື ໂດຍຊອງໜ້າ ບັນດາຄອບຄົວການນຳຂອງແຂວງຈຳນວນໜຶ່ງເຂົ້້າຮ່ວມ.


ທ່ານ ນາງ ແສງອຳພອນ ພິຈິດ ຜູ້ຕ່າງໜ້າຄອບຄົວການນຳຂັ້ນສູນກາງ ແລະ ທັງເປັນຜູ້ຈັດຊື້ເຄື່ອງຊ່ວຍເຫຼືອຄັ້ງນີ້ ໃຫ້ຮູ້ວ່າ: ວັດຖຸປັດໃຈທີ່ໄດ້ນໍາມາມອບນີ້ ແມ່ນເປັນທຶນການລະດົມຈາກບັນດາຄອບຄົວການນໍາຢູ່ສູນກາງ ແລະ ແຂວງ ອັດຕະປື ຈຳນວນໜຶ່ງ ເປັນຕົ້ນ: ຂັ້ນສູນກາງ ແມ່ນຄອບຄົວ ທ່ານ ນາງ ນາລີ ສີສຸລິດ, ຄອບຄົວ ທ່ານ ພັນຄໍາ ວິພາວັນ ແລະແຂວງ ອັດຕະປື ມີທະນາຄານການຄ້າຕ່າງເທດ…ເພື່ອມອບໃຫ້ເປັນການສະແດງເຖິງຄວາມຮູ້ບຸນຄຸນຕໍ່ນາຍ ແລະ ພົນທະຫານໃນເຂດຫ່າງໄກສອກຫຼີກ ພ້ອມທັງສະເເດງຄວາມຂອບອົກຂອບໃຈ ຕໍ່ຄອບຄົວການນໍາຂັ້ນສູນກາງ ແລະ ການນໍາຂອງ ແຂວງ ອັດຕະປື ທີ່ໄດ້ເປັນຫ່ວງເປັນໄຍອ້າຍນ້ອງທະຫານ ແລະ ຫວັງວ່າ ຈະໄດ້ນໍາໃຊ້ເຄື່ອງດັ່ງກ່າວນີ້ໃຫ້ເກີດຜົນປະໂຫຍດສູງສຸດ.ໃນພິທີ ທ່ານ ພັອ ໂຊກໄຊ ພິມມາລາ ກໍ່ໄດ້ມອບໃບກຽດຕິຄຸນ ແລະ ໃຫ້ຄໍາໝັ້ນຍັນຍາວ່າ ຈະນໍາເຄືອງຈໍານວນດັ່ງກ່າວນີ້ລົງໄປມອບຕໍ່ໃຫ້ກັບອ້າຍນ້ອງທີ່ປະຈໍາໃນແຕ່ລະຈຸດທີ່ປະຕິບັດໜ້າທີຂອງຕົນໃຫ້ທົ່ວເຖິງກັນ.
ໂດຍ: ມະນີວອນ