ມາຮອດປະຈຸບັນ (ວັນທີ 3 ກັນນຍາ 2019)ປະຊາຊົນບ້ານໂພນສະອາດ ນະຄອນປາກເຊແຂວງຈຳປາສັກປະສົບໄພນໍ້າຖ້ວມແລ້ວ 82 ຄອບຄົວ ຈໍານວນ426 ຄົນ ປະຊາຊົນໄນໄດ້ຍົກຍ້າຍ ໄປພັກເຊົາຊົ່ວຄາວທີ່ໂຮງຮຽນມັດທະຍົມຕົ້ນແກ້ວສຳພັນ ຈຳນວນ 6 ຄອບຄົວ 22 ຄົນ.
ທ່ານນາງ ຜ່ອງໃສ ເພັງສະຫວັດ ແລະ ທ່ານ ອາດ ສີເຂັມພອນ ຮອງນາຍບ້ານໆໂພນສະອາດ ໃຫ້ຮູ້ວ່າ: ເພື່ອຊ່ວຍເຫຼືອປະຊາຊົນ ແລະ ແກ້ໄຂສະພາບນໍ້ຖ້ວມ ອຳນາດການປົກຄອງບ້ານ ປະສານສົມທົບກັບອົງການປົກຄອງຂອງນະຄອນປາກເຊໄດ້ນຳເອົາຈັກຈູບນໍ້າຈຳນວນ 4 ເຄື່ອງ ຈູບນໍ້າອອກຈາກບ້ານແຕ່ວັນທີ 30 ສິງຫາຈົນມາຮອດປະຈຸບັນແມ່ນຍັງສືບຢ່າງຂຸ້ນຂ້ຽວ,ທາງຄະນະນໍາ ນະຄອນປາກເຊ ກໍໄດ້ລົງ
ມາຕິດຕາມຢ່າງໃກ້ຊິດໃນການເຝົ້າລະວັງ ແລະຊ່ວຍເຫຼືອຍົກຍ້າຍປະຊາຊົນຂື້ນໄປຢູ່ຈຸດທີ່ປອດໄພ ລວມໄປເຖີງການປະສານຫາລັດວິສະຫະກິດໄຟ້າລາວ ສາຂາແຂວງຈຳປາສັກ ມາຍົກຍ້າຍໝໍ້ນັບໄຟອອກຈາກຈຸດທີ່ຖືກນໍ້າຖ່ວມ ເພື່ອຄວາມປອດໄພ.
ທ່ານ ນາງຜ່ອງໃສ ເພັງສະຫວັດ ຮອງນາຍບ້ານໂພນສະອາດ ນະຄອນປາກເຊ ກ່າວຕື່ມວ່າ: ປະຈຸບັນນີ້ລະດັບນໍ້າຍັງສືບຕໍ່ເພີ່ມຂື້ນເລື້ອຍໆ ພ້ອມນັ້ນປະຊາຊົນທີ່ປະສົບໄພນໍ້າຖ້ວມ ຍັງຕ້ອງການການຊ່ວຍເຫຼືອເປັນປະເພດເຂົ້າສານອາຫານແຫ້ງ ແລະ ປັດໃຈຕ່າງໆ ເພື່ອຊ່ວຍເຫຼືອບັນເທົາທຸກເບື້ອງຕົ້ນ ຖ້າວ່າ: ພາກສ່ວນໃດທີ່ມີຈິດໃຈຢາກຊ່ວຍເຫຼືອປະຊາຊົນບ້ານໂພນສະອາດກໍສາມາດໄປພົວພັນໃຫ້ການຊ່ວຍເຫຼືອກັບທີ່ໄດ້ທີ່ສຳນັກງານບ້ານໂພນສະອາດ. ນອກຈາກຢູ່ບ້ານໂພນສະອາດແລ້ວຍັງມີບ້ານແກ,ບ່ານທ່າຫີນ,ທ່າໄຮ,ຍຸ່ອຸດົມ,ບາງສ່ສນຂອງບ້ານໂນນດູ່,ແກ້ວສຳພັນ ແລະບ້ານອື່ນໆອີກ.