ເຄື່ອງດື່ມທີ່ສົດຊື່ນໂດຍບໍ່ມີເຫຼົ້າ Strawberry Mojito Cocktail

0
176

ເຄື່ອງດື່ມທີ່ບໍ່ມີີທາດເຫຼົ້າ Mojito ສາມາດຊ່ວຍໃຫ້ສົດຊື່ນ ໂດຍໃຊ້ນໍ້າເຜິ້ງແທນນໍ້າອັດລົມໄດ້ ຊື່ງເພີ່ມກີ່ນຫອມ ແລະ ລົດຊາດ ດ້ວຍໝາກສະຕໍເບີຣີສົດ, ໝາກເບີຣີ, ໜາກນາວ ແລະ ໃບຫອມລາບ ດື່ມແລ້ວດີ ຊ່ວຍເຮັດໃຫ້ເຢັນສົດຊື່ນ.

ອາກາດຮ້ອນແບບນີ້ແມ່ນຫິວນໍ້າແນ່ນອນ ການຫິວນໍ້າແມ່ນສັນຍານເຕືອນໄພທຳອິດຂອງອາການຂາດ ນໍ້າ ຫຼື ມາຈາກການດື່ມນໍ້າບໍ່ພຽງພໍ ໂດຍສະເພາະໃນເວລາທີ່ອາກາດຢູ່ນອກຮ້ອນແຮງແບບນີ້ ເຮັດໃຫ້ຮ່າງກາຍເສຍເຫື່ອຫຼາຍຈາກກິດຈະກຳຕ່າງໆ ຫຼື ການເສຍເຫື່ອຈາກການອອກກຳລັງກາຍ ກໍ່ສາມາດເຮັດໃຫ້ເກີດການຂາດນໍ້າ ເພາະສະນັ້ນເຕືອນຕົວເອງໃຫ້ດື່ມນໍ້າຕະຫຼອດມື້ ຊື່ງນໍ້າທີ່ດີທີ່ສຸດ ສຳລັບຮ່າງກາຍແມ່ນນໍ້າດື່ມ ຄວນດື່ມມື້ລະ 8-10 ແກ້ວຕໍ່ມື້.

ແຕ່ຖ້າຕ້ອງການຄວາມຮູ້ສຶກສົດຊື່ນ ແລະ ພະລັງງານຫຼາຍກ່ວານັ້ນ ກໍ່ສາມາດທົດແທນໄດ້ໂດຍການດື່ມເຄື່ອງດື່ມທີ່ມີທາດນໍ້າຕານເປັນຕົ້ນແມ່ນນໍ້າໝາກໄມ້ ແຕ່ຕ້ອງເລືອກດື່ມອີງຕາມປະລິມານພະລັງ ງານທີ່ຮ່າງກາຍຕ້ອງການ ເພາະຫຼາຍຄົນເຂົ້າໃຈວ່າການດື່ມນໍ້າຫວານບໍ່ສາມາດເຮັດໃຫ້ຕຸ້ຍເທົ່າກັບການກິນອາຫານຫຼັກ ແຕ່ຖ້າຈະດື່ມນໍ້າໝາກຫວານລວມກັນຫຼາຍມື້ ອາດຈະມີພະລັງງານຫຼາຍກ່ວາການກິນອາຫານດີໆ 1 ມື້ກໍ່ໄດ້.

ມື້ນີ້ຂ້ອຍຂໍແນະນຳສະເໜີເມນູເຄື່ອງດື່ມໃຫ້ໄປເຮັດກິນເອງ ເພື່ອເຮັດໃຫ້ທ່ານເຢັນສົດຊື່ນ ແລະ ສ້າງຄວາມສົດຊື່ນໃນມື້ທີ່ອາກາດຮ້ອນແຮງ ແຖມຍັງໄດ້ຮັບປະໂຫຍດຈາກໝາກໄມ້ສົດ ຖ້າທ່ານຢາກມີງານລ້ຽງທີ່ບໍ່ມີເຫຼົ້າໃຫ້ໃຊ້ສູດ Mocktail ນີ້ນຳໄປດື່ມກັບ ” Strawberry Mojito Mocktail”.

ສ່ວນປະສົມ ແລະ ເຄື່ອງປຸງ Strawberry Mojito Mocktail

  • ນໍ້າສະຕໍເບີຣີ 200 ml ໃຫ້ພະລັງງານ 120 kcal
  • ສະຕໍເບີຣີສົດ 4 ໜ່ວຍ ໃຫ້ພະລັງງານ 8 kcal
  • ໝາກນາວ 1 ໜ່ວຍ ໃຫ້ພະລັງງານ 20 kcal
  • ນໍ້າເຜິ້ງ 3 ບ່ວງກາເຟ ໃຫ້ພະລັງງານ 48 kcal
  • ໃບຫອມລາບ 1 ບ່ວງ ໃຫ້ພະລັງງານ 1 kcal
  • ໂຊດາ 100 ml ໃຫ້ພະລັງງານ 0 kcal
  • ເກືອໜ້ອຍໜຶ່ງ ໃຫ້ພະລັງງານ 0 kcal
  • ນໍ້າກ້ອນ
  • ແກ້ວປະສົມ

ວິທີເຮັດ STRAWBERRY MOJITO MOCKTAIL Strawberry Mojito

ເລີ່ມຕົ້ນໂດຍການນຳເອົາໝາກສະຕໍເບີຣີສົດ ແລະ ໝາກນາວເຄິ່ງໜ່ວຍ ມາຕັດເປັນຕ່ອນກຽມໄວ້ຈາກນັ້ນເອົານໍ້າໝາກສະຕໍເບີຣີລົງໃສ່ແກ້ວປະສົມກັບນໍ້າເຜິ້ງ ໝາກນາວເຄິ່ງໜ່ວຍ ຕື່ມເກືອໜ້ອຍໜຶ່ງ ໃສ່ໃບຫອມລາບ ແລະ ສະຕໍເບີຣີ ປິດຝາໃສ່ແກ້ວແລ້ວສັ່ນໃຫ້ເຂົ້າກັນ ເປີດຝາແກ້ວອອກແລ້ວຕື່ມນໍ້າກ້ອນ ແລະ ໂຊດາລົງໄປ ປະດັບປະດາດ້ວຍໃບຫອມລາບ ກໍ່ຈະໄດ້ເຄື່ອງດື່ມຄັອກເທລທີ່ບໍ່ມີທາດເຫຼົ້າ ພ້ອມທີ່ຈະເສີບເພີ່ມຄວາມສົດຊື່ນ ປະລິມານພະລັງງານ 1 ແກ້ວ ຕາມສູດຈະແມ່ນໃຫ້ພະລັງງານ 197 kcal.