7 ວິທີບໍລິຫານສະໝອງໃຫ້ໂປ່ງໃສ

0
112

ສະໝອງຖືເປັນສິ່ງສຳຄັນທີ່ສຸດຂອງຮ່າງກາຍຄົນເຮົາທີ່ຕ້ອງເບິ່ງແຍງໃຫ້ດີ ເພື່ອໃຫ້ຊົດຊື່ນໃຫ້ສະໝອງປອດໂປ່ງຢູ່ຕະຫຼອດເວລາ. ສະນັ້ນ, ຈະນຳສະເໜີ 7 ວິທີການບໍລິຫານສະໝອງທີ່ສາມາດປະຕິບັດດ້ງ່າຍໆມາແນະນຳ ດັ່ງນີ້:

  • ເຮັດກິດຈະກຳສິລະປະ: ເປັນວິທີການບໍລິຫານສະໝອງທີ່ດີອີກວິທີໜຶ່ງ ເພາະຈະຝຶກເລື່ອງຂອງຄວາມຄິດສ້າງສັນ, ການໃຊ້ທັກສະໃນຄວາມຄິດ, ວິເຄາະ ແລະ ອື່ນໆ ການຮຽນສິລະປະແມ່ນມີຄວາມມ່ວນຊື່ນ, ທ້າທາຍ ແລະ ກຸ້ມຄ່າ. ນອກຈາກນັ້ນ, ຍັງຈະໄດ້ເປີດໂລກາທັດໃໝ່ໆໄປພ້ອມກັບການບໍລິຫານສະໝອງໂດຍໃຊ້ສິລະປະ.
  • ທ່ອງຄຳສັບ: ບໍ່ໃຫ້ຄິດວ່າການທ່ອງຄຳສັບເປັນໜ້າທີ່ຂອງເດັກໄວປະຖົມເທົ່ານັ້ນ ແຕ່ນີ້ເປັນອີກໜຶ່ງວິທີໃນການບໍລິຫານສະໝອງ ຫຼາຍຄົນຖາມວ່າ ແລ້ວຈະຫາຄຳສັບມາຈາກໃສ ຄຳຕອບຄື: ໜັງສືພິມ ຫຼື ສິ່ງທີ່ພົບເຫັນເລື້ອຍໆໃນຊີວິດປະຈຳວັນ ເຊິ່ງເຕັກນິກນີ້ຈະສົ່ງຜົນດີທັງດ້ານຈິດໃຈ ແລະ ຄວາມຄິດ.
  • ການຄົ້ນຄວ້າຫາສິ່ງທີ່ຢາກມີຢາກຈະເປັນ: ການບໍລິຫານສະໝອງ ວິທີນີ້ເປັນເຕັກນິກທີ່ຈຳເປັນຕ້ອງໃຊ້ຈິນຕະນາກາລອງຄິດຫາສິ່ງທີ່ຢາກໄດ້ ວາດພາບເຫຼົ່ານັ້ນລົງໃນສະໝອງມັນຈະເປັນອີກແຮງຊຸກຍູ້ທີ່ຈະເຮັດໃຫ້ໄປເຖິງຈຸດໝາບເຫຼົ່ານັ້ນໄດ້ໄວຂຶ້ນ.
  • ຄິດໄລ່ເລກດ້ວຍສະໝອງ: ທຸກວັນນີ້ຫຼາຍໆຄົນເຄີຍຊິນກັບການໃຊ້ເຄື່ອງຄິດເລກຢູ່ເປັນປະຈຳ ເຊິ່ງວິທີການ ບວກ ລົບ ຄູນ ຫານ (ບັ້ງສູດ) ທີ່ເຄີຍໄດ້ຮຽນສະໄໝປະຖົມ ວິທີເຫຼົ່ານັ້ນເໝາະສົມຫຼາຍສຳລັບການບໍລິຫານສະໝອງ.
  • ຮ້ອງເພງທີ່ມັກທີ່ສຸດ: ການທີ່ໄດ້ຮ້ອງເພງທີ່ມັກ ເປັນວິທີການທີ່ດີອີກຢ່າງໜຶ່ງ ໃນການບໍລິຫານສະໝອງ ແລະ ຍັງໄດ້ຮັບຄວາມມ່ວນຊື່ນ ບາງຄັ້ງຫາກມີໂອກາດກໍຮ້ອງກັບເພື່ອນໆ ຫຼື ຄອບຄົວ.
  • ຝຶກຫຼີ້ນດົນຕີ: ການຫຼິ້ນດົນຕີເປັນກິດຈະກຳໜຶ່ງທີ່ເຮັດໃຫ້ສະໝອງປອດໂປ່ງ, ມີຄວາມສຸກ, ຜ່ອນຄາຍຄວາມຄຽດລົງໄດ້ ແລະ ອື່ນໆ.
  • ການອ່ານບົດກອນ ແລະ ວັນນະຄະດີຕ່າງໆ: ການອ່ານປື້ມຜ່ານສື່ຕ່າງໆເຫຼົ່ານີ້ ຈະເຮັດໃຫ້ສະໝອງຂອງເຮົາໃຫ້ຄິດຢູ່ຕະຫຼອດເວລາ ແນ່ນອນວ່າຖ້າມັນເປັນບົດກອນ ຫຼື ຄຳທີ່ສຳຜັດກັນຈະເຮັດໃຫ້ການຈື່ຈຳໄດ້ດີຍິ່ງຂຶ້ນ.

Medialaos MMD (ແຫຼ່ງຂໍ້ມູນຈາກ: ໜັງສືພິມ ເສດຖະກິດ-ການຄ້າ)