ທ່ານ ພຸດທະສັກ ສຸກອາລຸນ ປະທານສະໂມສອນຍິງປືນ ໄອພີເອັສຊີ ລາວ ໃຫ້ສຳພາດວ່າ: ວັນທີ 3 ກໍລະກົດ 2020 ນີ້ ຢູ່ສະໜາມຝຶກຊ້ອມຍິງປືນ 5 ເມສາ ຈະສືບຕໍ່ແຂ່ງຂັນຍິງປືນ ໄອພີເອັສຊີ ຊິງຊະນະເລີດປະເທດລາວ ຄັ້ງທີ 4 ເຊິ່ງເປັນຄັ້ງສຸດທ້າຍ ເພື່ອຄັດເລືອກເອົານັກກິລາທີ່ມີພອນສະຫວັນ 08 ຄົນ ກຽມສົ່ງເຂົ້າຮ່ວມຍິງປືນ ໄອພິເອັສຊີ ຊີງຊະນະເລີດໂລກ ປະຈຳປີ 2020 ຢູ່ປະເທດໄທ ໃນເດືອນພະຈິກນີ້ ການຄັດເລືອກຄັ້ງນີ້ຄາດວ່າຈະມີນັກກິລາເຂົ້າຮ່ວມ 12 ຄົນ ທີ່ມີສະຖິຕິດີ ໃນການຄັດເລືອກຮອບທີ 3 ຜ່ານມາ ໂດຍມີ 10 ສະໜາມແຂ່ງຂັນ ເຊຶ່ງແຕ່ລະຄົນຕ້ອງສະສົມຜູ້ລະ 300 ຄະແນນ.

ສຳລັບຜົນການແຂ່ງຂັນ 3 ຄັ້ງຜ່ານມາ ຄື: ຄັ້ງທີ 1 ມີນັກກິລາເຂົ້າຮ່ວມຄັດເລືອກ ຈຳນວນ14 ຄົນ ຍິງ 01 ຄົນ ເຊິ່ງຮອບທີ 1 ແມ່ນທ້າວ ສຸນັນ ວັດທະນະບູນ ເກັບຄະແນນສະສົມໄດ້ 895 ຄະແນນ ໄດ້ທີ 1, ສຳລັບການຄັດເລືອກຄັ້ງທີ 2 ແມ່ນມີນັກກິລາເຂົ້າຮ່ວມຄັດເລືອກ ຈຳນວນ 12 ຄົນ ເຊິ່ງໃນຮອບທີ 2 ນີ້ ແມ່ນທ້າວ ຫົງພະຈັນ ດາລາວົງ ເກັບຄະແນນສະສົມໄດ້ 900 ຄະແນນ ໄດ້ທີ 1 ແລະ ສ່ວນຄັ້ງທີ 3 ແມ່ນທ້າວ ສຸນັນ ວັດທະນະບູນ ເກັບຄະແນນສະສົມໄດ້ 100 ຄະແນນ ໄດ້ທີ 1.

Medialaos MMD (ແຫຼ່ງຂໍ້ມູນຈາກ: ໜັງສືພິມ ປະເທດລາວ)