ກອງປະຊຸມທາບທາມ ຮ່າງດຳລັດວ່າດ້ວຍ ນາມມະຍົດ ນັກຂ່າວ

0
146

ໃນວັນທີ 03 ກໍລະກົດ 2020 ທີ່ຫ້ອງປະຊຸມ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດກອງປະຊຸມທາບທາມ ແລະ ປະກອບຄຳເຫັນໃສ່ຮ່າງດຳລັດ ວ່າດ້ວຍນາມມະຍົດນັກຂ່າວ, ໂດຍການເປັນປະທານ ຂອງທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ປະທານສະມາຄົມນັກຂ່າວແຫ່ງ ສປປ ລາວ, ໂດຍມີບັນດາ ຫົວໜ້າກົມ, ຮອງກົມ, ຫົວໜ້າບັນນາທິການ ແລະ ພະນັກງານຫຼັກແຫຼ່ງເຂົ້າຮ່ວມ ເພື່ອປຶກສາຫາລື ແລະ ປະກອບຄຳເຫັນຕໍ່ຮ່າງດຳລັດວ່າດ້ວຍນາມມະຍົດນັກຂ່າວ.

ຈຸດປະສົງ ຂອງດຳລັດສະບັບນີ້ ແມ່ນເພື່ອກຳນົດຫຼັກການ, ລະບຽບການ ແລະ ເງຶ່ອນໄຂໃນການມອບນາມມະຍົດໃຫ້ແກ່ນັກຂ່າວເພື່ອເປັນການຊຸກຍູ້, ເສີມຂະຫຍາຍບົດບາດ ແລະ ຍົກສູງຄຸນນະພາບຂອງສື່ມວນຊົນ, ແນ່ໃສ່ເພື່ອຈາລຶກຄຸນງາມຄວາມດີ ແລະ ຜົນງານອັນດີເດັ່ນຂອງນັກສື່ມວນຊົນລາວທຸກຂະແໜງ ທີ່ໄດ້ອຸທິດເຫື່ອແຮງສະຕິປັນຍາ ເຂົ້າໃນການປະຕິບັດໜ້າທີ່ຂອງຕົນໃນຖານະເປັນນັກຮົບດ້ານຖະແຫຼງຂ່າວ, ເພື່ອເປັນບ່ອນອີງ ໃນການປະຕິບັດນະໂຍບາຍອັນຊອບທຳທາງດ້ານວັດຖຸ ແລະ ຈິດໃຈ ກໍ່ຄື ດ້ານສະຫວັດດີການສັງຄົມ, ທັງເປັນການເຊີດຊູຖະນະບົດບາດຂອງນັກຂ່າວ-ນັກສື່ມວນຊົນລາວໃຫ້ນັບມື້ສູງຂຶ້ນຕໍ່ພາຍໃນ ແລະ ສາກົນ.

Medialaos MMD