10 ວິທີການສ້າງເນື້ອໃນໃຫ້ມີຄຸນຄ່າ ແລະ ໜ້າສົນໃຈ

0
160

ການສ້າງເນື້ອໃນ (Content) ໃຫ້ມີຄຸນຄ່າ ແລະ ໜ້າສົນໃຈເປັນສິ່ງສໍາຄັນໃນການສ້າງເພຈ ໃນສື່ອອນລາຍແມ່ນນິຍົມກັນຫຼາຍທີ່ສຸດເປັນຕົ້ນແມ່ນ “ເຟສບຸກ” ດັ່ງນັ້ນເນື້ອໃນການຕະຫຼາດຕ້ອງມີເນື້ອໃນແປກໆ ແລະ ເນື້ອໃນໃໝ່ໆ ທີ່ມີຄ່າແບບບໍ່ຜິດກົດໝາຍໃນ Facebook.

ເນື້ອໃນການຕະຫຼາດ (Content marketing) ແມ່ນຫຍັງ? ເນື້ອໃນການຕະຫຼາດແມ່ນການສ້າງເນື້ອໃນທີ່ບໍ່ໄດ້ສຸມໃສ່ການຂາຍ ແລະ ບໍ່ໄດ້ສຸມໃສ່ການໂຄສະນາສິນຄ້າທີ່ຊັດເຈນ ແຕ່ຈະສຸມໃສ່ການສະໜອງເນື້ອໃນທີ່ເປັນຂໍ້ມູນ ແລະ ມີປະໂຫຍດແກ່ຜູ້ອ່ານ ເຮັດໃຫ້ຜູ້ອ່ານສົນໃຈ ຈົນຕິດຕາມ ແລະ ແລກປ່ຽນເນື້ອໃນມາເປັນຄຳເວົ້າ ໃນທີ່ສຸດຜູ້ຄົນກໍ່ສາມາດຍອມຮັບຍີ່ຫໍ້ຂອງທ່ານໄດ້.

ສ້າງເນື້ອໃນທີ່ມີຄຸນຄ່າກ່ອນທີ່ພວກເຮົາຈະເລີ່ມຕົ້ນຂຽນເນື້ອໃນນັ້ນ ພວກເຮົາຄວນສຶກສາ ຫຼື ເຂົ້າໃຈກຸ່ມເປົ້າໝາຍວ່າພວກເຂົາສົນໃຈເນື້ອໃນປະເພດໃດ ແລະ ຄວນຖາມຕົນເອງວ່າພວກເຮົາກຳລັງຈະຂຽນຫຍັງ? ມີປະໂຫຍດຫຍັງຕໍ່ຜູ້ອ່ານ ແລະ ເນື້ອໃນປະເພດໃດທີ່ສາມາດດຶງດູດລູກຄ້າໄດ້ ເມື່ອພວກເຮົາມີ ຄຳຕອບແລ້ວ ພວກເຮົາຈະສາມາດຂຽນເນື້ອໃນທີ່ມີປະໂຫຍດ ແລະ ມີຄຸນຄ່າໃຫ້ກັບຜູ້ທີ່ສົນໃຈໄດ້ຖືກຈຸດ ແລະ ປະເດັນ.

ວິທີການສ້າງເນື້ອໃນໃຫ້ຄົນເຮົາແບ່ງປັນ ຫຼື ແຊຫຼາຍ

  • ສ້າງວີດີໂອ

ການສ້າງເນື້ອໃນວິດີໂອແມ່ນວິທີໜຶ່ງທີ່ຫຼາຍຄົນໃຊ້ເພື່ອແຈກຢາຍເນື້ອໃນທີ່ດີຫຼາຍ ເພາະວ່າການໃຊ້ຊີວິດຂອງຄົນໃນປະຈຸບັນມັກຟັງ ຫຼື ເບິ່ງຫຼາຍກວ່າການອ່ານ.

  • ວິດີໂອສົດ ຫຼື ໄລສົດ

ວິດີໂອສົດ ນິຍົມກັນໃຊ້ໃນຍຸກນີ້ ເພາະວ່າການຖ່າຍທອດສົດສາມາດເຫັນຜົນໄດ້ທັນທີວ່າຄົນສົນໃນສົນໃຈເນື້ອໃນ ຫຼື ບໍ່? ແລະ ຍັງເປັນຊ່ອງວິທີການສື່ສານໂຕ້ຕອບກັນໄດ້ທັງສອງຝ່າຍ ເຮັດໃຫ້ເກີດມີຄວາມຮູ້ສຶກທີ່ເປັນກັນເອງ, ໜ້າສົນໃຈ ແລະ ໜ້າຕິດຕາມ.

  • ສ້າງ infographic ທີ່ມີປະໂຫຍດ

ເໝາະສຳລັບເນື້ອໃນທີ່ເປັນປະໂຫຍດ ແລະ ເປັນຂໍ້ມູນຫຼາຍສຳລັບຂ່າວສານທີ່ງ່າຍຕໍ່ການເຂົ້າໃຈໄດ້ງ່າຍ ເປັນທີ່ຕ້ອງການ ແລະ ຄວາມສົນໃຈຂອງຜູ້ຄົນ.

  • ການໃຊ້ຄຳເວົ້າທີ່ເປັນກັນເອງ.

ຄຳເວົ້າທີ່ເປັນກັນເອງ ແມ່ນເປັນສະເໜ່ອີກອັນໜຶ່ງທີ່ຈະຊ່ວຍໃຫ້ຜູ້ເຜີຍແຜ່ເນື້ອໃນ ມີຜູ້ຕິດຕາມຫຼາຍຂື້ນ ເພາະວ່າການໃຊ້ຄຳເວົ້າທີ່ງ່າຍໆ ຈະເຮັດໃຫ້ມັນເບິ່ງໃກ້ຊິດ ແລະ ສະນິດກັບຄົນອື່ນຫຼາຍຂື້ນ.

  • ການສຳພາດຄົນ (ໜ້າສົນໃຈ)

ການສຳພາດແມ່ນເນື້ອໃນທີ່ມີປະໂຫຍດ, ຄົນນິຍົມ ແລະ ສົນໃຈຕິດຕາມ ເພາະເນື້ອໃນເລື່ອງທີ່ພວກເຮົາຈະນຳສະເໜີແມ່ນເກີດຂື້ນແທ້ກັບຄົນທີ່ເຮົາກຳລັງສຳພາດຢູ່.

  • ຂໍ້ຄວາມທີ່ໜ້າຈົດຈຳ

ການສ້າງຄວາມຊົງຈຳດ້ວຍຂໍ້ຄວາມສັ້ນໆ ທີ່ເປັນເອກະລັກສາມາດເຮັດໃຫ້ພວກເຮົາຮັບຮູ້ໄດ້ງ່າຍ ຕົວຢ່າງເຊັ່ນ: “ເຈົ້າຈະກິນເຂົ້າໜົມຕື່ມອີກບໍ?” ເຊິ່ງເປັນຄຳເວົ້າຂອງສັ້ນໆ ຫຼື ການຂຽນບົດຄວາມສັ້ນໆແຕ່ລະປະໂຫຍກແມ່ນມີປະສິດທິພາບ ແລະ ໜ້າສົນໃຈກໍ່ສາມາດເຮັດໄດ້ຄືກັນ ຍົກຕົວຢ່າງ “ຮັກຄືກັນ” ແມ່ນປະໂຫຍກທີ່ນິຍົມຫຼາຍ ໃນປະຈຸບັນຍັງມີຄົນໃຊ້ຢູ່.

  • ເພີ່ມ emoji

ເພີ່ມ emojis ຈະເຮັດໃຫ້ເນື້ອໃນຂອງພວກເຮົາເຂົ້າເຖິງຜູ້ອ່ານໄດ້ງ່າຍ ແລະ ຍັງເປັນຕົວແປທີ່ສຳຄັນໃນການກຳນົດອາລົມຂອງຜູ້ອ່ານນຳອີກ.

  • ຫຼິ້ນກິດຈະກຳເພື່ອລຸ້ນຮັບຂອງລາງວັນ

ແມ່ນກິດຈະກຳທີ່ດຶງດູດຄວາມສົນໃຈ ແລະ ແບ່ງປັນ ຫຼື ເຜີຍແຜ່ຄຳເວົ້າຫຼາຍທີ່ສຸດ ເພາະວ່າທໍາມະຊາດຂອງມະນຸດມັກທີ່ຈະໄດ້ຮັບຫຼາຍກວ່າການໃຫ້ ສະນັ້ນການເຮັດກິດຈະກໍາບາງຢ່າງເພື່ອຈະໄດ້ຮັບຄ່າຊົດເຊີຍໂດຍບໍ່ຕ້ອງເສຍຄ່າແຮງງານແມ່ນເລື່ອງທີ່ພວກເຂົາພ້ອມທີ່ຈະເຮັດ.

  • ສ້າງແຜນວາດຫລືກາຟິກ.

ສ້າງເນື້ອໃນທີ່ມີຂະໜາດນ້ອຍ ແລະ ເບີ່ງງ່າຍ ແຕ່ມີປະໂຫຍດທີ່ຜູ້ອ່ານມີຄວາມສົນໃຈຫຼາຍກ່ວາເນື້ອໃນທີ່ເປັນປະໂຫຍດແຕ່ສາມາດຂຽນເນື້ອໃນໄດ້ຍາວ 2 ໜ້າ ເນື້ອໃນທີ່ມີຫຼາຍຕົວເລກຫຼາຍໆ ແນະ ນຳວ່າໃຫ້ສ້າງເນື້ອໃນແບບກາບຟິກຈີ່ງເໝາະສົມກວ່າ.

  • ແບ່ງປັນຂໍ້ມູນຈາກເພຈອື່ນໆ.

ການແລກປ່ຽນຂໍ້ມູນຈາກເພຈອື່ນໆ ຈະເຮັດໃຫ້ພວກເຮົາມີຄວາມໜ້າເຊື່ອຖື ເພາະຜູ້ອ່ານຈະໄດ້ເຫັນບາງສິ່ງບາງຢ່າງທີ່ແປກໃໝ່ ແລະ ສາມາດຊອກຫາເນື້ອໃນດີໆ ແບບນີ້ມາໃຫ້ພວກເຂົາໄດ້ອ່ານເຊັ່ນກັນ.