Youtube ກາຍເປັນສື່ກາງທາງອິນເຕີເນັດ ທີ່ມີອິດທິພົນຕໍ່ຄົນທົ່ວໂລກ ຂໍ້ມູນລະບຸວ່າໃນແຕ່ລະເດືອນມີຄົນເຂົ້າສູ່ລະບົບ 1,9 ພັນລ້ານ ແລະ ໃນທຸກໆ ມື້ມີຄົນເຂົ້າເບີ່ງ Youtube ຫຼາຍກວ່າໜຶ່ງພັນຊົ່ວໂມງ ຊື່ງ Youtube ໄດ້ຖືກເປີດໂຕໃນ 91 ປະເທດ ນອກຈາກເນື້ອໃນທີ່ມີສາລະໃຫ້ຄົນເບີ່ງທົ່ວໄປຈາກ Youtube ການຫາລາຍໄດ້ໃນ Youtube ທີ່ຫຼາຍຄົນສົນໃຈແຕ່ກ່ອນທີ່ຈະຮອດລະດັບນັ້ນໃຫ້ທ່ານເບິ່ງບາງຂໍ້ມູນທີ່ສຳຄັນທີ່ www.ThaiSMEsCenter.com ມື້ນີ້ນຳມາຝາກສິ່ງທີ່ໜ້າສົນໃຈທີ່ທ່ານອາດຈະບໍ່ຮູ້ກ່ຽວກັບ Youtube.

  • ຕົ້ນກຳເນີດຂອງ Youtube

Youtube ໄດ້ສ້າງຕັ້ງຂຶ້ນໂດຍ Chad Hurley, Steve Chen ແລະ Jawed Karim ເຊິ່ງທັງສາມຄົນແມ່ນພະ ນັກງານຂອງ PayPal ກ່ອນໜ້ານີ້ໃນປີ 2002 eBay ໄດ້ຊື້ທຸລະກິດ PayPal ຊື່ງທັງສາມຄົນໄດ້ຮັບເງິນຈາກບໍລິ ສັດ ແລະ ກໍ່ໄດ້ຮັບເອົາເງິນດັ່ງກ່າວເພື່ອມາເປັນທຶນໃນການສ້າງ Youtube ໃນປີ 2005 ແລະ ຕໍ່ມາໃນປີ 2006 ໄດ້ຂາຍທຸລະກິດນີ້ໃຫ້ Google ໃນມູນຄ່າ 1,650 ລ້ານໂດລາ.

  • ຄວາມຄິດ Youtube ໃນເບື້ອງຕົ້ນຕ້ອງການເປັນເວັບໄຊທ໌ຫາຄູ່ຄອງ.

ແນວຄິດພື້ນຖານຂອງ Youtube ໄລຍະເລີ່ມຕົ້ນແມ່ນຕ້ອງການໃຫ້ເປັນເວັບໄຊທ໌ຫາຄູ່ຄອງ ໂດຍການອັບໂຫຼດວິດີໂອກ່ຽວກັບຕົນເອງລົງໃນ Youtube ເພື່ອໃຫ້ຜູ້ທີ່ຕ້ອງການນັດພົບສາມາດເຂົ້າເບິ່ງຂໍ້ມູນໄດ້ ແລະ ໄດ້ຮັບແຮງບັນດານໃຈຈາກ Hot ຫຼື Not ເຊິ່ງເປັນເວັບໄຊທ໌ການຫາຄູ່ຄອງ ແຕ່ປະກົດວ່າຜູ້ສ້າງຕັ້ງສາມຄົນພົບເຫັນບັນຫາໃຫຍ່ກໍ່ຄືບໍ່ສາມາດ ຈະອັບໂຫຼດໄຟຣ໌ເອກະ ສານຂະໜາດໃຫຍ່ ແລະ ບໍ່ສາມາດຊອກຫາສິ່ງທີ່ຕົນເອງຕ້ອງການໄດ້ ດັ່ງນັ້ນພວກເຂົາຈຶ່ງປ່ຽນແນວຄວາມຄິດເຂົ້າໃນ Youtube ທີ່ສາມາດອັບໂຫຼດເລື່ອງຕ່າງໆ ລົງໄປໄດ້ບໍ່ພຽງແຕ່ຫາຊອກຄູ່ຄອງເທົ່ານັ້ນ.

  • “ຂ້ອຍຢູ່ທີ່ສວນສັດ” ແມ່ນຄລິບທຳອິດທີ່ອັບໂຫຼດລົງໃນ Youtube.

ໃນປະຈຸບັນມີຄລິບຫຼາຍອັນຖືກອັບໂຫຼດລົງໃນ Youtube ແຕ່ການອັບໂຫຼດຄັ້ງທຳອິດໃນ Youtube ເປັນຂອງຜູ້ສ້າງຕັ້ງ Jawed Karim ເຊິ່ງໄດ້ບັນທຶກຕົນເອງຢູ່ໃນສວນສັດທີ່ມີຊ້າງໃຫຍ່ ເຊິ່ງເນື້ອໃນຂອງຄລິບບໍ່ມີຫຍັງຫຼາຍພຽງແຕ່ອະທິບາຍໃຫ້ຜູ້ຊົມເຫັນວ່າຊ້າງຢູ່ເບື້ອງຫຼັງຂອງລາວມີງວງຍາວ ແລະ ຕັ້ງຊື່ຄລິບນີ້ວ່າ “ຂ້ອຍຢູ່ທີ່ສວນສັດ”

  • ມີບັນຫາກ່ຽວກັບຊື່ໂດເມນຂອງ Utube.com

Youtube ໄດ້ລົງທະບຽນໂດເມນ ໃນປີ 2005 ຊື່ງໃສ່ຊື່ວ່າ Youtube.com ແຕ່ຊື່ນີ້ຖືກຊໍ້າກັບໂດເມນຂອງ Utube.com ຊື່ງເປັນເວັບໄຊທ໌ຂອງ Universal Tube & Rollform Equipment ທີ່ຜະລິດ ແລະ ຈຳໜ່າຍທໍ່ເຫຼັກ ເຊິ່ງສ້າງບັນຫາໃຫ້ລູກຄ້າທີ່ຕ້ອງການສັ່ງຊື້ສິນຄ້າເຮັດໃຫ້ບໍລິສັດຕ້ອງປ່ຽນຊື່ມາເປັນ Utubeonline.com ແທນເພື່ອບໍ່ໃຫ້ຊໍ້າກັບ Youtube.

  • ຕ້ອງປ່ຽນລະບົບເພື່ອນັບຍອດວິວເພາະເພັງ Gangnam Stlye.

Gangnam Stlye ຂອງ PSY ເພັງຈາກປະເທດເກົາຫຼີໃຕ້ເຮັດໃຫ້ Youtube ຕ້ອງປ່ຽນແປງລະບົບການນັບວິວຄັ້ງຍີ່ງໃຫຍ່ ດ້ວຍຍອດວິວທີ່ພັງທະລົ່ມທະລາຍ 2,774,526,128 views ໂດຍລະບົບເກົ່າຂອງ Youtube ນັບຍອດວິວດ້ວຍລະບົບເຕັມໄດ້ພຽງແຕ່ 32 bit ເຊິ່ງສາມາດນັບວິວສູງສຸດໄດ້ພຽງແຕ່ 2,147,483,647 views ໃນຂະນະທີ່ຍອດວິວຂອງ Gangnam Stlye ເຮັດໃຫ້ວິສະວະກອນລະບົບຂອງ Youtube ຕ້ອງຍົກລະດັບລະບົບໃຫ້ເປັນຈຳນວນເຕັມ 64 bit ເພື່ອຮອງຮັບຄວາມຄິດເຫັນຂອງ Gangnam Stlye. 9,223,372,036,854,775,807 views.

  • ຄລິບທີ່ຄົນມັກ ແລະ ບໍ່ມັກຫຼາຍທີ່ສຸດ

ເລີ່ມຕົ້ນຈາກຄລິບວິດີໂອທີ່ຄົນຍອດນິຍົມທີ່ສຸດຄື MV ຂອງ Despacito ເຊິ່ງມີກົດໄລນ໌ຫຼາຍທີ່ສຸດ 26 ລ້ານໄລນ໌ ຊື່ງຍັງຄອງສະຖິຕິຄລິບວິດີໂອຍອດນິຍົມຫຼາຍທີ່ສຸດຈົນເຖິງປະຈຸບັນ MV ເພັງຂອງ Justin Bieber ແມ່ນຄລິບທີ່ມີຄົນກົດບໍ່ມັກທີ່ຫຼາຍສຸດເຖິງ 8 ລ້ານເທື່ອໃນຄັ້ງດຽວ.

  • How to kiss ແມ່ນຄຳທີ່ຄົ້ນຫານິຍົມຫຼາຍທີ່ສຸດ.

ຄຳວ່າ How to ເປັນຄຳເວົ້າຍອດນິຍົມຫຼາຍທີ່ສຸດທີ່ຄົນທົ່ວໂລກມັກໃຊ້ຄຳເວົ້ານີ້ເພື່ອຕ້ອງການຄົ້ນຫາບາງຢ່າງ ແຕ່ຄຳວ່າ How to ທີ່ຄົນສົນໃຈຄົ້ນຫາຫຼາຍທີ່ສຸດຈາກການລາຍງານຂອງ Google ໃນໄລຍະປີ 2012-2015 ແມ່ນຄຳວ່າ “ວິທີຈູບ” ຫຼື ແປໂດຍກົງເປັນຄລິບເພື່ອສອນວິທີການຈູບນັ້ນເອງ.

  • Dan Tdm ລາຍໄດ້ທີ່ດີສຸດຂອງ Youtuber Channel.

ອີງຕາມການລາຍງານ Business Insider ລະບຸວ່າ Youtuber ເຮັດລາຍໄດ້ຫຼາຍທີ່ສຸດແມ່ນຊ່ອງ Dan Tdm ຂອງ Dan Miguel ເຊິ່ງມີຜູ້ຕິດຕາມ 17 ລ້ານຄົນ ສ່ວນໃຫຍ່ແມ່ນເນັ້ນໃສ່ການຫຼີ້ນເກມ ສາມາດສ້າງລາຍໄດ້ເຖິງ 16,5 ລ້ານໂດລາ ໃນປີ 2017 ຫ່າງຈາກ Youtuber ທີ່ຫຼາຍຄົນຄິດວ່າອາດຈະເປັນອັນດັບໜຶ່ງຄື PewDiePie ເຊິ່ງຖືກຈັດຢູ່ໃນອັນດັບ 6 ສ້າງລາຍໄດ້ 12 ລ້ານໂດລາ.

  • Youtube Space

Youtube Space ແມ່ນເນື້ອທີ່ຂອງ Youtube ກັບ Google ຮ່ວມກັນສ້າງຂື້ນເປັນ Creator ສຳລັບ Youtuber ທີ່ມີຜູ້ຕິດຕາມ 10,000 ຄົນຂື້ນໄປ ທ່ານສາມາດເຂົ້າໄປຖ່າຍທຳວີດີໂອໄດ້ຟີ ໃນ Youtube Space ຊື່ງມີສິ່ງອຳນວຍຄວາມສະດວກຫຼາຍຢ່າງລວມທັງການເຮັດໃຫ້ມີແສງໄຟໃນໄມ ແລະ ພື້ນຖານຕ່າງໆ ຊື່ງແມ່ນສະຖານທີ່ຂອງ Creator ຊື່ງໃຊ້ພົບປະ, ສົນທະນາ, ແລກ ປ່ຽນຄວາມຄິດເຫັນນຳກັນ ເພື່ອເພີ່ມສັກກະຍະພາບຂອງຜູ້ສ້າງ ເພື່ອໃຫ້ມີຄຸນນະພາບຫຼາຍຂື້ນໃນການນຳສະເໜີເນື້ອໃນໃຫ້ຫຼາຍຂື້ນປະຈຸບັນ Youtube Space ໄດ້ເປີດໃຫ້ບໍລິການຫຼາຍກວ່າ 9 ສາຂາທົ່ວໂລກ ເຊັ່ນ: ເບີລິນ, ລອນດອນ, ລອສແອງເຈລິສ, Mumbai, New York Paris ແລະ ອື່ນໆ ຄາດການວ່າ Youtube ຈະກາຍເປັນສື່ຫຼັກທີ່ຈະມາທົດແທນໂທລະພາບໃນອະນາຄົດ ເພາະຈາກຂໍ້ມູນລະບຸວ່າຄົນໃນທົ່ວໂລກຫຼາຍກວ່າ 70% ຂອງປະຊາຊົນທົ່ວໂລກ ກຳລັງເບິ່ງ Youtube ຢູ່ໃນໂທລະສັບມືຖືຄື: ສາມາດເບິ່ງໄດ້ທຸກເວລາ, ທຸກບ່ອນກາຍເປັນສື່ຍຸກໃໝ່ທີ່ໜ້າສົນໃຈ ແລະ ເຊື່ອວ່າຈະໄດ້ຮັບການປັບປຸງໃນອະນາຄົດເຊັ່ນກັນ.