ວາງແຜນໂຄງການ ຄຸ້ມຄອງລະບົບນິເວດວິທະຍາ ແລະ ສັດປ່າ ແບບ​ປະສົມ​ປະສານ

0
204

ກອງ​ປະຊຸມ​ປຶກສາ​ຫາລື​ດ້ານ​ວິຊາ​ການ​ເພື່ອ​ວາງ​ແຜນ​ໂຄງການ ຄຸ້ມ​ຄອງ​ລະບົບ​ນິເວດ​ວິທະຍາ ແລະ ສັດປ່າ​ແບບ​ປະສົມ​ປະສານ (IEWMP) ໄລຍະ 4 ຈະ​ເລີ່ມ​ແຕ່​ປີ 2021-2025 ໄດ້​ຈັດ​ຂຶ້ນ​ໃນ​ວັນທີ 8 ກໍລະກົດ​ຜ່ານນີ້ ທີ່ເມືອງ​ປາກ​ຊັນ ແຂວງ​ບໍ​ລິ​ຄຳ​ໄຊ ໂດຍ​ການ​ເປັນ​ປະທານ​ຂອງ ທ່ານ ພັດ​ທະ​ຈອນ ແກ້ວ​ພຸດ​ທະ​ວົງ ຮັກສາ​ການ​ຫົວໜ້າ​ພະ​ແນ​ກ​ກະສິກຳ ແລະ ປ່າໄມ້​ແຂວງ, ທ່ານ ສັນຕິ ໄຊ​ປັນຍາ ຜູ້ອຳນວຍການ​ອົງ ການ​ອະນຸລັກ​ສັດປ່າ  (WCS)  ມີ​ບັນດາ​ຜູ້​ຮັບຜິດຊອບ​ໂຄງການ​ຫ້ອງ​ວ່າການ​ແຂວງ ແລະ 5 ເມືອງ​ເປົ້າ​ໝາຍ​ມີ ເມືອງ​ບໍ​ລິ​ຄັນ, ປາກ​ກະດິງ, ຄຳ​ເກີດ, ວຽງ​ທອງ, ໄຊ​ຈຳ​ພອນ ແລະ ວິຊາ​ການ​ປະຈຳ​ໂຄງການ​ເຂົ້າ​ຮ່ວມ.

ກອງ​ປະຊຸມ​ຜູ້​ເຂົ້າຮ່ວມ​ ໄດ້​ຮັບ​ຟັງ​ການ​ນຳສະເໜີ ແລະ ສຶກສາ​ດ້ານ​ນະໂຍບາຍ ແຜນການ​ຂອງ​ລັດຖະບານ​ທີ່​ກ່ຽວຂ້ອງ​ກັບ​ວຽກ​ງານ​ປ່າໄມ້, ສັດ​ນໍ້າ-​ສັດປ່າ ແລະ ສົນທິສັນ ຍາ​ທີ່​ກ່ຽວຂ້ອງ​ຈາກ​ທ່ານ ສັນຕິ  ໄຊ​ປັນຍາ ການ​ສຶກສາ​ແຜນ ​ຂອງ​ພະ​ແນ​ກ​ກະສິກຳ ແລະ ປ່າໄມ້​ແຂວງ​ທີ່​ກ່ຽວ​ພັນ​ກັບ​ວຽກ​ງານ​ປ່າໄມ້, ສັດ​ນໍ້າ-​ສັດປ່າ ແລະ ການ​ພັດທະນາ​ຊີວິດ​ການ​ເປັນ​ຢູ່​ຂອງ​ປະຊາຊົນ ແຜນ​ພັດທະນາ​ເສດ​ຖະ​ກິດ​-​ສັງຄົມ​ຂອງ​ແຂວງ, ແຜນ​ພັດທະນາ​ເສດ​ຖ​ະກິດ​-​ສັງຄົມ​ຂອງ​ເມືອງ​ເປົ້າ​ໝາຍ​ທີ່​ກ່ຽວຂ້ອງ​ກັບ​ວຽກ​ງານ​ປ່າໄມ້ ສັດ​​ນຳ້-​ສັດປ່າພ້ອມ ​ທັງ​ສັງ​ລວມ​ເນື້ອ​ໃນ​ຈາກ​ການ​ສຶກສາ​ວາງ​ແຜນ​ຕ່າງໆ ແລະ ນຳ​ສະເໜີ​ຜົນ​ການຈັດຕັ້ງປະຕິ ບັດ​ວຽກ​ງານ​ໂຄງການ​ໃນ​ໄລຍະ​ຜ່ານ​ມາ​ໂດຍ​ຫຍໍ້ (2016- 2019) ນຳສະເໜີ​ແຜນ​ຍຸດທະ ສາດ​ຂອງ​ອົງການ​ອະນຸ​ລັກ​ສັັດ ນໍ້າ-​ສັດປ່າ ດ້ານ​ການ​ຮ່ວມມື​ ກັບ​ພະ​ແນ​ກ​ກະສິກຳ ແລະ ປ່າໄມ້​ແຂວງ ເພື່ອ​ກຳນົດ​ຍຸດ ທະສາດ​ພື້ນ​ທີ່​ເປົ້າ​ໝາຍ, ກິດ ຈະກຳ, ຜົນ​ໄດ້​ຮັບ ແລະ ຜູ້​ທີ່​ມີ​ສ່ວນ​ຮ່ວມ.

Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)