ໃນໜ້າອອນລາຍເຮົາເຄີຍເຕືອນເລື້ອຍໆ ພວກມັກໂພສເທີງໜ້າເຟສບຸກວ່າໃຫ້ລະວັງເພາະມັນສ່ຽງຕໍ່ການລະເມີດກົດໝາຍ ແລະ ສ້າງຄວາມສັບສົນໃຫ້ແກ່ສັງຄົມ… ແຕ່ປະກົດວ່າຍິ່ງເຕືອນຍິ່ງມີຫຼາຍ… ຫາກໃຜບໍ່ພິຈາລະນາຄັກແນ່! ເວລາເບີ່ງຂໍ້ມູນຈະສັບສົນດັ່ງເຊັ່ນ: ຫວ່າງມໍ່ໆ ມານີ້ກໍ່ມີຜູ້ໂພສເລື່ອງແຮງງານພະມ້າຕິດພະຍາດໂຄວິດຢູ່ແຂວງບໍ່ແກ້ວ ເຊີ່ງໃນຄວາມເປັນຈີງບໍ່ແມ່ນຢູ່ປະເທດເຮົາ.. ເຂົາກວດພົບຢູ່ປະເທດເຂົາພຸ້ນ. ຄະນະສະເພາະກິດແຂວງບໍ່ແກ້ວ ກໍ່ຊີ້ແຈງແລ້ວໃນໜ້າອອນລາຍຂອງພວກເຮົາກໍ່ຊີ້ແຈງແລ້ວ.

ບໍ່ທໍ່ນັ້ນຍັງມີພວກມືບອນໂພສແບ່ງແຍກຜົນງານຂອງການນຳພາຕໍ່ສູ້ກູ້ຊາດໂດຍຍົກບຸກຄົນປະຫັວດສາດຂື້ນມາຫັວງແບ່ງແຍກຜົນງານແຫ່ງການນຳພາຂອງພັກປະຊາຊົນປະຕິວັດລາວໂດຍສະເພາະ ແມ່ນການຢຶດອຳນາດແບບບໍ່ມີສຽງປືນແຕກ.

ຕໍ່ປະກົດການເຫຼົ່ານັ້ນມັນເຖີງເວລາແລ້ວ ຫຼື ຍັງທີ່ການຈັດຕັ້ງຈະເຂັ້ມງວດຕໍ່ພວກມືບອນທັງ ຫຼາຍທີ່ຍາມໃດກໍ່ເຈາະຈີ້ມແນວບໍ່ມີອອກມາຫັວງໃຫ້ສັງຄົມສັບສົນ ແລະ ແຕກຕື່ນ… ຄັນຫາກປ່ອຍຕາມ ໃຈ.. ຕາມລຳພັງຕໍ່ໄປ ຫຼື ຕັກເຕືອນກໍ່ອາດຈະບໍ່ມີຜົນພໍທໍ່ໃດ? ເພາະຜ່ານມາກໍ່ມີການລົງໂທດມາແຕ່ກໍ່ຍັງມີການທ້າທາຍຢູ່ອີກ.

ຄະນະບັນນາທິການອອນລາຍພວກເຮົາຮຽກຮ້ອງໃຫ້ຢຸດຕິສາ! ສ່ວນຜູ້ຮັບຂໍ້ມູນຈາກແຫຼ່ງຂ່າວສື່ອອນລາຍກໍ່ຕ້ອງຍົກສູງສະຕິລະວັງຕົວໃຫ້ສູງນໍ? ຢ່າຫຼົງເຊື່ອເລ້ກົນຂອງຄົນບໍ່ດີທີ່ຫັວງສ້າງຄວາມແຕກແຍກໃນສັງຄົມເຮົາ.

ບ.ກ