ໃນຕອນຄໍ່າວັນທີ 17 / 07 / 2020 ທີ່ໂຮງແຮມດອນຈັນພາເລດ, ນະຄອນຫລວງວຽງຈັນ ໄດ້ມີພິທີເປີດ ບໍລິສັດ ລາວໂມບາຍມັນນີຈໍາກັດຜູ້ດຽວ ແລະ ບໍລິການ M-money ການເງິນດີຈີຕ້ອນເທິງມືຖືຢ່າງເປັນທາງການຂຶ້ນ, ໂດຍການເປັນປະທານຂອງທ່ານ ປອ ທັນສະໄໝກົມມະສິດ ກຳມະການສູນກາງພັກ ລັດຖະມົນຕີ ກະຊວງໄປສະນີ ໂທລະຄົມມະຄົມ ແລະ ການສືື່ສານ ແລະ ທ່ານ ທັນສະໃໝ ຊາມຸນຕີ ຜູ້ອໍານວຍການ ບໍລິສັດ ລາວໂມບາຍມັນນີຈໍາກັດຜູ້ດຽວ, ຮອງລັດຖະມົນຕີ,ຫົວຫນ້າກົມ,ຄະນະຜູ້ບໍລິຫານ ບໍລິສັດ ລາວໂທລະຄົມມະນາຄົມ ມະຫາຊົນ ແລະ ບໍລິສັດ ບໍລິສັດ ລາວໂມບາຍມັນນີຈໍາກັດຜູ້ດຽວ ພ້ອມດ້ວຍຄູ່ຮ່ວມທຸລະກິດ ແລະ ແຂກທີ່ຖືກເຊີນເຂົ້າຮ່ວມຈາກພາກລັດ ແລະ ເອກະຊົນ.

ຈຸດປະສົງຂອງການຈັດງານໃນຄັ້ງນີ້ ເພື່ອເປັນການເປີດຕົວຢ່າງເປັນທາງການ ກ່ຽວກັບການບໍລິການແອບພິເຄຊັ່ນ M Money ກະເປົາເງິນເທິງມືຖື ທີ່ສາມາດໃຊ້ກັບການໃຊ້ຊີວິດປະຈຳວັນແບບໃໝ່ ທີ່ເນັ້ນຄວາມສະດວກສະບາຍໃນການຈ່າຍເງິນໂດຍບໍ່ຕ້ອງພົກພາເງິນສົດ, M Money ສາມາດຈ່າຍຄ່ານ້ຳ,ຄ່າໄຟຟ້າ, ຄ່າໂທລະສັບ, ຄ່າບິນຕ່າງໆ ແລະ ສາມາດໂອນເງິນໄປທະນາຄານຕ່າງໆໄດ້ພຽງປາຍນີ້ວ ຫຼື ທ່ານຕ້ອງການເອົາເງິນເຂົ້າໃນ M Money ກໍ່ສາມາດເຮັດໄດ້ດ້ວຍວິທີງ່າຍໆ ທີ່ຈຸດບໍລິການທົ່ວປະເທດ

ເຊິ່ງປະຊາຊົນສາມາດເຂົ້າເຖິງການບໍລິການດັ່ງກ່າວນີ້ໄດ້ຢ່າງສະດວກສະບາຍ ພ້ອມສ້າງສັງຄົມທີ່ບໍ່ນໍາໃຊ້ເງິນສົດໃນທົ່ວປະເທດ, ເສີມສ້າງບໍລິການການເງິນດີຈີຕ້ອນໃຫ້ກາຍເປັນກະເປົາເງິນທີ່ມີຜູ້ຄົນນໍາໃຊ້ຫລາຍເປັນອັນດັບ1 ໃນອະນາຄົດອັນໃກ້ນີ້ໂດຍໃຫ້ທຸກພາກສ່ວນຕ້ອງໄດ້ຮັບຜົນປະໂຫຍດສູງສຸດ
ບໍລິສັດ ລາວ ໂມບາຍມັນນີ້ ຈຳກັດຜູ້ດຽວສືບຕໍ່ພັດທະນາວຽກໄປສະນີ ໂທລະຄົມມະນາຄົມ ແລະ ເປັນການສື່ສານໃຫ້ກາຍເປັນອຸດສາຫະກຳທີ່ທັນສະໄໝ ເປັນສື່ກາງໃນການເຊື່ອມໂຍງບັນດາຫົວໜ່ວຍທຸລະກິດທັງພາຍໃນ ແລະ ຕ່າງປະເທດ ແນໃສເປັນສ່ວນໜຶ່ງສ້າງທ່າແຮງຊຸກຍູ້ຜັນຂະຫຍາຍແນວທາງພັດທະນາເສດຖະກິດດິຈິຕ້ອນຂອງພັກໃນອະນາຄົດຂ້າງໜ້າໃຫ້ເປັນຮູບປະທຳ ແລະ ປະສົບຜົນສຳເລັດເປັນຢ່າງສູງສະພາຂາຫຸ້ນບໍລິສັດໂທລະຄົມມະນາຄົມ ມະຫາຊົນທີ່ລັດຖະບານຖືຫຸ້ນ 51 ເປີເຊັນ ແລະ ນັກລົງທຶນຕ່າງປະເທດ 49 ເປີເຊັນ ຕົກລົງສ້າງບໍລິສັດ ລາວໂມບາຍມັນນີຈຳກັດຜູ້ດຽວ ເພື່ອທຳໜ້າທີ່ໃຫ້ບໍລິການການເງິນດິຈິຕອນເທິງມືຖືດ້ວຍເຄື່ອງໝາຍການຄ້າ M-money ຕາມສະໂລແກນທີ່ວ່າ ໃຫ້ຊີວິດງ່າຍຂື້ນຕາມຍຸກດິຈິຕ້ອນ ດ້ວຍວິໃສທັດ ເປັນຜູ້ນຳດ້ານການເງິນດິຈິຕອນໃນ ສປປລາວ

ພາຍໃນງານຍັງມີການເຊັນສັນຍາຮ່ວມມືກັນກັບບັນດາຫົວໜ່ວຍທຸລະກິດທີ່ກ່ຽວຂ້ອງຕ່າງໄດ້ແກ່:

  1. ບໍລິສັດ ລາວໂທລະຄົມມະນາຄົມ ມະຫາຊົນ
  2. ບໍລິສັດ Tplus ດີຈີຕ້ອນຈໍາກັດ
  3. ບໍລິສັດ ETL ຈໍາກັດ
  4. ທະນາຄານການຄ້າຕ່າງປະເທດລາວ ມະຫາຊົນ
  5. ທະນາຄານອຸດສາຫະກໍາ ແລະ ການຄ້າຈີນ ( ICBC )ຈໍາກັດ
  6. ທະນາຄານພັດທະນາລາວ
  7. ທະນາຄານສົ່ງເສີມກະສິກໍາ
  8. ທະນາຄານຮ່ວມພັດທະນາ
  9. ທະນາຄານ ເອສທີ
  10. ທະນາຄານຮ່ວມທຸລະກິດລາວຫວຽດ
  11. ທະນາຄານອິນດູຈີນຈໍາກັດ
  12. ທະນາຄານເອຊີລີດາ ຈໍາກັດ
  13. ທະນາຄານມາລູຮານເຈແປນລາວ
  14. ບໍລິສັດ NCC ຈໍາກັດຜູ້ດຽວ
  15. ບໍລິສັດ ລັດວິສາຫະກິດ ຫວຍພັດທະນາ,
  16. ບໍລິສດ ຮຸ່ງອາລຸນ ໂລຈິດສະຕິກ ຈໍາກັດຜູ້ດຽວ
  17. ທ່ານ ປະສົງ ລັດຕະນະ ປະທານບໍລິສັດ ໂກເທັດດີ້ ຈໍາກັດຜູ້ດຽວ
    ເຊິ່ງຫລັງຈາກການເປີດໂຕຢ່າງເປັນທາງການແລ້ວ,ທາງບໍລິສັດລາວໂມບາຍມັນນີຈໍາກັດຜູ້ດຽວໄດ້ໄດ້ວາງແຜນການຂະຫຍາຍການບໍລິການໄວ້ 3 ໄລຍະໄດ້ແກ່:
    ໄລຍະທີ1: ເລີ່ມເດືອນກໍລະກົດເປັນຕົ້ນໄປຈະໄດ້ໃຫ້ບໍລິການໃນເຂດນະຄອນຫລວງວຽງຈັນ
    ໄລຍະທີ2: ເລີ່ມທ້າຍເດືອນສິງຫາຈະຂະຫຍາຍການບໍລິການໄປອີກ 9 ແຂວງຫລັກເຊັ່ນ: ບໍ່ແກ້ວ,ອຸດົມໄຊ,ຫລວງນໍ້າທາ,ໄຊຍະບູລີ,ຫລວງພະບາງ, ແຂວງວຽງຈັນ,ບໍລິຄໍາໄຊ,ຄໍາມ່ວນ,ສະຫວັນນະເຂດ,ຈໍາປາສັກ ແລະ ຄູ່ຮ່ວມທູລະກິດຕ່າງ
    ໄລຍະທີ3: ເລີ່ມຕົ້ນທ້າຍເດືອນກັນຍາ 2020 ຈະໄດ້ຂະຫຍາຍການບໍລິການໄປທົ່ວປະເທດ
    M Money App ສະຫມັກງ່າຍ ພຽງແຕ່ທ່ານ ລົງທະບຽນດ້ວຍ ເບີໂທລະຊັບມືຖື ແລະ ບັດປະຈຳຕົວຂອງທ່ານເອງ ກໍ່ສາມາດໃຊ້ໄດ້ເລີຍ
    M Moneyມີຄວາມປອດໄພໃນການເຂົ້າໃຊ້ໂດຍການ Scan ລາຍນິ້ວມື ຫຼື ການ Scan ໃບຫນ້າຂອງທ່ານເອງ ແລະ ມີຟັງຊັ້ນແຈ້ງເຕືອນທຸກຄັ້ງທີ່ມີການໃຊ້ຈ່າຍ ທາ່ນສາມາດດາວໂຫລດ App ໄດ້ແລ້ວມື້ນີ້ ທາງ App Store ແລະ Play Store.