ດ່ວນ! ສປປ ລາວ ພົບຜູ້ຕິດເຊື້ອໃໝ່ 01 ກໍລະນີ

0
171

ຖະແຫຼງຂ່າວ
ຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19
ປະຈໍາວັນສຸກວັນທີ24ກໍລະກົດ ປີ2020

ໂດຍ: ທ່ານຮສ. ດຣ. ພູທອນເມືອງປາກຮອງລັດຖະມົນຕີ,ກະຊວງສາທາລະນະສຸກ, ຜູ້ປະຈຳ
ການຄະນະສະເພາະກິດ.
I. ສໍາລັບການເຝົ້າລະວັງCOVID-19ຢູ່ ສປປ ລາວຮອດ 5 ໂມງແລງ ຂອງວັນທີ 23ກໍລະກົດ 2020

  1. ການຕິດຕາມຜູ້ເດີນທາງຈາກຈຸດຜ່ານແດນຕ່າງໆ
    • ທົ່ວປະເທດມີຜູ້ເດີນທາງເຂົ້າມາມີທັງໝົດ1,994ຄົນ:
  • ໃນນັ້ນຈຸດຜ່ານດ່ານລາວ-ໄທ1,327ຄົນ(ແຮງງານລາວກັບມາແຕ່ໄທ154ຄົນ);
  • ຈຸດຜ່ານດ່ານລາວ-ຈີນ66ຄົນ (ໃນນີ້ມີ ແຮງງານຈີນ 40 ຄົນ, ແຮງງານລາວ 02 ຄົນຜ່ານດ່ານບໍ່ເຕັນ, ແຂວງຫຼວງນໍ້າທາ, ເຫຼືອນັ້ນແມ່ນຄົນຂັບລົດຂົນສົ່ງສິນຄ້າແລະຜູ້ຕິດຕາມ);
  • ຈຸດຜ່ານດ່ານລາວ-ຫວຽດນາມ601ຄົນ,ໃນນີ້ມີນັກສຶກສາລາວ 28 ຄົນຜ່ານດ່ານນໍ້າພາວ, ແຂວງບໍລິຄໍາໄຊ, ນັກສຶກສາລາວ 01 ຄົນ ຜ່ານດ່ານນໍ້າກັ່ນ, ແຂວງຊຽງຂວາງ,ເຫຼືອນັ້ນແມ່ນຄົນຂັບລົດສົ່ງສິນຄ້າ ແລະ ຜູ້ຕິດຕາມ;
  • ຈຸດຜ່ານດ່ານ ລາວ-ກຳປູເຈຍ00ຄົນ;
  • ເດີນທາງຜ່ານສະໜາມບິນສາກົນວັດໄຕ 00 ຄົນ;
    • ທຸກຄົນແມ່ນໄດ້ແທກອຸນຫະພູມຮ່າງກາຍ,ແຕ່ບໍ່ພົບຜູ້ມີອາການເປັນໄຂ້ແລະໄດ້ເກັບຕົວຢ່າງທຸກໆຄົນມາກວດ (ຍົກເວັ້ນແຕ່ຜູ້ຂັບລົດຂົນສົ່ງແລະຜູ້ຕິດຕາມ) ແລ້ວຈຶ່ງນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14ວັນ.
  1. ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ
    • ໃນວັນທີ 23ກໍລະກົດ2020, ໄດ້ເກັບຕົວຢ່າງມາກວດວິເຄາະທັງໝົດ425ຄົນ, ໃນນັ້ນແຮງງານລາວມາແຕ່ໄທ143ຄົນ, ແຮງງານຈີນ225ຄົນແລະບຸກຄົນທົ່ວໄປທີ່ບໍ່ມີອາການ57ຄົນ;
    • ຜົນກວດວິເຄາະທັງໝົດແມ່ນມີ 01 ກໍລະນີພົບເຊື້ອ COVID-19ລາຍລະອຽດດັ່ງລຸ່ມນີ້:
  • ເພດຊາຍອາຍຸ 32 ປີ, ສັນຊາດເກົາຫຼີ, ອາຊີບ: ວິຊາການໄຟຟ້າ, ບ່ອນເຮັດວຽກ: ເຂື່ອນໄຟຟ້ານໍ້າງຽບ, ຜູ້ກ່ຽວຍັງບໍ່ທັນໄດ້ລົງໄປເຄື່ອນໄຫວວຽກງານຢູ່ເຂື່ອນ, ຍັງຢູ່ໃນໄລຍະການຈໍາກັດບໍລິ
    ເວນ ທີ່ໂຮງແຮມຂອງຄະນະສະເພາະກິດໄດ້ກຳນົດໄວ້(Crown Plaza Hotel) ໃນນະ
    ຄອນຫຼວງວຽງຈັນຈົນຄົບ 14 ວັນ;
  • ຕາມການລາຍງານຂອງຜູ້ກ່ຽວກ່ອນເດີນທາງມາສປປລາວຜູ້ກ່ຽວບໍ່ມີອາການຫຍັງແລະໄດ້ກວດຊອກຫາເຊື້ອCOVID-19 ດ້ວຍRT-PCR ໃຫ້ຜົນລົບ;
  • ກ່ອນເດີນທາງມາປະເທດລາວ, ຜູ້ກ່ຽວອາໄສຢູ່ນຳຄອບຄົວບໍ່ມີພີ່ນ້ອງເປັນພະຍາດCOVID-19;
    ປະຫວັດການເດີນທາງ
  • ວັນທີ 18 ກໍລະກົດ 2020 ເດີນທາງຈາກປະເທດຍີ່ປຸ່ນ (ໂອສະກາ ຫາ ໂຕກຽວ) ມາຜ່ານສ.ເກົາຫຼີ (ອິນຊອນ) ມາສປປລາວຜ່ານດ່ານສະໜາມບິນວັດໄຕ, ໂດຍຖ້ຽວບິນQV922A, ນ້ຳເບີຕັ່ງ: 015E;
  • ຜູ້ກ່ຽວເດີນທາງມາກັບກຸ່ມໝູ່04 ຄົນ, ໃນຖ້ຽວບິນQV922A ມີຜູ້ໂດຍສານ 109 ຄົນ;
  • ເດີນທາງຈາກສະໜາມບິນມາໂຮງແຮມດ້ວຍລົດຕູ້ເຊົ່າເຊິ່ງໂຮງແຮມເຊົ່າມາ, ມີທັງໝົດ06 ຄົນນັ່ງລົດຄັນດຽວກັນລວມທັງຜູ້ກ່ຽວ;
  • ນັບແຕ່ວັນທີ 18 ຫາ 23 ກໍລະກົດ 2020, ຜູ້ກ່ຽວບໍ່ໄດ້ເດີນທາງອອກຈາກຫ້ອງ,ກິນອາຫານຢູ່ໃນຫ້ອງໂດຍມີພະນັກງານນຳອາຫານ, ນ້ຳດື່ມມາປະໄວ້ໜ້າຫ້ອງໃຫ້ແລະບໍ່ມີໃຜເຂົ້າໄປໃນຫ້ອງ.ພະນັກງານໂຮງແຮມໄດ້ແທກອຸນຫະພູມໃຫ້ຜູ້ກ່ຽວທຸກໆມື້ເຊົ້າ-ແລງທີ່ໜ້າຫ້ອງໂດຍຮັກສາໄລຍະຫ່າງ 1 ແມັດ (ອຸນຫະພູມສະເລ່ຍ 36,3 – 36,6 ອົງສາເຊ);
  • ຕາມກົດລະບຽບຂອງໂຮງແຮມບໍ່ອະນຸຍາດໃຫ້ພະນັກງານອະນາໄມເຂົ້າໄປທຳຄວາມສະອາດໃນຫ້ອງນອນ,ຜູ້ກ່ຽວຕ້ອງຮັບຜິດຊອບເອງ ແລະ ໂຮງແຮມໄດ້ຈັດກຽມອຸປະກອນທີ່ຈຳເປັນໄວ້ໃນຫ້ອງພັກຈົນຄົບກຳນົດ 14 ວັນ;
  • ວັນທີ 22 ກໍລະກົດ 2020 ທີມງານສູນວິເຄາະ ແລະ ລະບາດວິທະຍາຮ່ວມກັບພະແນກສາທານະຄອນຫຼວງ, ຫ້ອງການສາທາເມືອງສີໂຄດຕະບອງໄດ້ໄປເກັບຕົວຢ່າງຢູ່ໂຮງແຮມດັ່ງກ່າວ;
  • ວັນທີ 23 ກໍລະກົດ 2020 ເວລາປະມານ 21:00 ໂມງຜົນກວດວິເຄາະ ແມ່ນພົບເຊື້ອCOVID-19. ຫຼັງຈາກນັ້ນ ຄົນເຈັບດັງກ່າວຖືກນຳສົ່ງໄປປິ່ນປົວທີ່ໂຮງໝໍມິດຕະພາບ;
  • ຜູ້ສຳຜັດໃກ້ຊິດຜູ້ຕິດເຊື້ອໃນເບື້ອງຕົນມີ 17 ຄົນ;
    • ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 23ກໍລະກົດ2020 ໄດ້ເກັບຕົວຢ່າງມາກວດທັງໝົດ24,479ຕົວຢ່າງ,ກວດພົບເຊື້ອສະສົມ20ຄົນ.
  1. ການຕິດຕາມຜູ້ຖືກຈຳກັດບໍລິເວນຢູ່ໃນສະຖານທີ່ ທີ່ກຳນົດໄວ້ໃນຂອບເຂດທົ່ວປະ
    ເທດ
    • ປະຈຸບັນນີ້ທົ່ວປະເທດ ມີສູນຈໍາກັດບໍລິເວນ ທັງໝົດ55ສູນ, ມີຜູ້ຖືກຈຳກັດບໍລິເວນຢູ່ສູນ2,585ຄົນ, ໄດ້ເກັບຕົວຢ່າງມາກວດວິເຄາະທັງໝົດແລະບໍ່ພົບຜູ້ຕິດເຊື້ອ.
  2. ການຕິດຕາມປີ່ນປົວຄົນເຈັບຢູ່ໂຮງໝໍ
    ປະຈຸບັນ, ມີຄົນເຈັບຜູ້ຕິດເຊື້ອພະຍາດ COVID-19 ໃໝ່ໄດ້ນອນປີ່ນປົວຢູ່ໂຮງໝໍມິດຕະພາບ ຈຳນວນ 01 ຄົນ(ສ່ວນຄົນເຈັບ19 ຄົນແມ່ນໄດ້ປິ່ນປົວຫາຍດີແລະອອກໂຮງໝໍໝົດທຸກຄົນແລ້ວ).
    II. ສະພາບການລະບາດຂອງພະຍາດCOVID-19ຂອງບັນດາປະເທດໃກ້ຄຽງແລະ ໃນໂລກ:
    • ມາຮອດວັນທີ24ກໍລະກົດ 2020, ທົ່ວໂລກມີການລາຍງານການລະບາດ ທັງໝົດ 213 (ປະເທດ/ເຂດ);
    -ເຊິ່ງມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ15,632,711ຄົນ;
    -ເສຍຊິວິດ635,413ຄົນ ເຊິ່ງກວມເອົາ 4.06 % ຂອງຜູ້ຕິດເຊື້ອທັງໝົດ;
    -ປີ່ນປົວຫາຍດີ9,526,464ຄົນ ເຊິ່ງກວມເອົາ 60.9 % ຂອງຜູ້ຕິດເຊື້ອທັງໝົດ;
    • ຢູ່ຂົງເຂດອາຊີຂອງພວກເຮົາກໍ່ແມ່ນປະເທດອິນເດຍທີ່ມີທ່າອ່ຽງໃນການຕິດເຊື້ອ COVID-19 ເພິ່ມຂຶ້ນ, ຈຳນວນຜູ້ຕິດເຊື້ອມື້ດຽວສູງເຖິງ48,446ຄົນ;
    • ໃນບັນດາກຸ່ມປະເທດອາຊຽນມາຮອດວັນທີ 24 ກໍລະກົດມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ 230,368 ຄົນແລະເສຍຊີວິດ 6,664 ຄົນ.
    III. ຂໍ້ແນະນຳ
    ບັນດາທ່ານທີ່ນັບຖື ແລະ ຮັກແພງທັງຫຼາຍ,
    • ຜ່ານການລາຍງານ ສະພາບການລະບາດຂອງພະຍາດCOVID-19ຢູ່ປະເທດເຮົາກໍ່ຄືຢູ່ໃນບັນດາປະເທດອາຊຽນແລະໃນທົ່ວໂລກ;
    • ມື້ນີ້ພວກເຮົາກວດພົບຜູ້ຕິດເຊື້ອໃໝ່ ໃນສປປລາວ ຈຳນວນ 01 ກໍລະນີເຊິ່ງເປັນກໍລະນີນຳເຂົ້າມາຈາກປະເທດທີ່ມີການລະບາດ. ຄະນະສະເພາະກິດ ແມ່ນມີຄວາມເປັນຫ່ວງເປັນໄຍ ຕໍ່ສຸຂະພາບຂອງປະຊາຊົນເປັນທີ່ສຸດ, ການວາງມາດຕະການຫຼາຍໆຢ່າງແມ່ນເພື່ອຫຼຸດຜ່ອນ ແລະ ຢັບຢັ້ງ ການລະບາດແຜ່ລາມຂອງພະຍາດ, ແຕ່ວ່າໃນບາງເຂດ, ບາງພາກສ່ວນ ແລະ ບາງຄົນ ຍັງຖືເບົາ ບໍ່ເຫັນຄວາມສຳຄັນໃນການຈັດຕັ້ງປະຕິບັດໂດຍສະເພາະ ການຈຳກັດບໍລິເວນເມື່ອສຳຜັດຫຼືເດີນທາງມາແຕ່ເຂດລະບາດ;
    • ເພື່ອສະກັດກັ້ນ ບໍ່ໃຫ້ສະພາບການລະບາດ ໃນ ສປປ ລາວມີການຂະຫຍາຍອອກ, ຈຶ່ງຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າພາກັນເອົາໃຈໃສ່ສືບຕໍ່ປະຕິບັດຕາມແຈ້ງການຂອງຫ້ອງວ່າການສຳ
    ນັກງານນາຍົກລັດຖະມົນຕີ ເລກທີ 697/ຫສນຍ, ລົງວັນທີ 30 ມິຖຸນາ 2020 ຢ່າງເຄັ່ງຄັດ, ການເດີນທາງໄປຕ່າງປະເທດ ເຂດທີ່ມີການລະບາດ, ເມື່ອກັບມາແລ້ວຕ້ອງໄດ້ຈຳກັດບໍລິເວນຕົນເອງຢ່າງເຂັ້ມງວດ, ພ້ອມກັນນັ້ນກໍ່ສືບຕໍ່ການດຳລົງຊີວິດປົກກະຕິແບບໃໝ່ໃຫ້ກາຍເປັນຄວາມຊິນເຄີຍເພື່ອປ້ອງກັນການລະບາດຂອງພະຍາດ COVID-19 ແຕ່ຫົວທີ ຖ້າມີການລະບາດຮອບໃໝ່ ກໍ່ບໍ່ໃຫ້ການລະບາດດັ່ງກ່າວ ຂະຫຍາຍອອກສູ່ວົງກວ້າງ;

• ບັນດາທ່ານທີ່ນັບຖື ແລະ ຮັກແພງ.
• ຕໍ່ໄປຂ້າພະເຈົ້າຂໍລາຍງານກ່ຽວກັບສະພາບຂອງພະຍາດໄຂ້ຍຸງລາຍຢູ່ໃນປະເທດເຮົາ,ດັ່ງພວກທ່ານຮູ້ແລ້ວວ່າທຸກໆປີກ້າວເຂົ້າສູ່ລະດູຝົນ, ພະຍາດໄຂ້ຍຸງລາຍກໍ່ມັກຈະເກີດຂື້ນໃນຫຼາຍແຂວງ ໃນຂອບເຂດທົ່ວປະເທດ ແລະ ສົ່ງຜົນກະທົບຕໍ່ຊີວິດການເປັນຢູ່ ແລະ ສຸຂະພາບຂອງພໍ່ແມ່ປະຊາຊົນ;
• ໃນວັນທີ 23ກໍລະກົດ 2020 ສປປລາວເຮົາແມ່ນມີຜູ້ຕິດເຊື້ອທັງໝົດ19ກໍລະນີ ແລະມີຜູ້ເສຍຊີວິດ0ຄົນ;
• ນັບແຕ່ວັນທີ 01/01/2020-23/07/2020 ມີຜູ້ຕິດເຊື້ອກໍລະນີສະສົມທັງໝົດ3,684ຄົນ (ມີລາຍງານກໍລະນີໃນ 18ແຂວງ, ແຂວງທີ່ມີການລາຍງານຫຼາຍກວ່າໝູ່ແມ່ນນະຄອນຫຼວງວຽງຈັນເຊິ່ງມີເຖິງ799ຄົນ, ຖັດລົງມາແມ່ນແຂວງ ວຽງຈັນ 418 ກໍລະນີ, ບໍລິຄຳໄຊ444 ກໍລະນີ ແລະ ແຂວງອັດຕະປື362 ກໍລະນີ). ຈຳນວນຜູ້ເສຍຊີວິດຍ້ອນພະຍາດໄຂ້ຍຸງລາຍມີທັງໝົດ08ຄົນ (ນະຄອນຫຼວງ 03ຄົນ, ບໍລິຄຳໄຊ 02ຄົນ, ຄຳມ່ວນ 01 ຄົນ, ໄຊຍະບູລີ 01 ຄົນແລະຊຽງຂວາງ 01 ຄົນ);