ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຮ່ວມກັບອົງການຢູນີເຊັບ ປະຈຳ ສປປ ລາວ ໄດ້ຈັດກອງປະຊຸມເຜີຍແຜ່ວຽກງານປົກປ້ອງເດັກ ແລະ ການປ້ອງກັນພະຍາດໂຄວິດ-19 ສຳລັບຂະແໜງຖະແຫຼງຂ່າວ 8 ແຂວງພາກເໜືອ

ກອງປະຊຸມໄດ້ຈັດຂື້ນໃນວັນທີ 27 ກໍລະກົດ 2020 ທີ່ຫ້ອງປະຊຸມພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ.

ພາຍໃຕ້ການເປັນປະທານຂອງທ່ານ ສະຫວັນຄອນ ຣາຊະມຸນຕີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ. ທ່ານ ຈັນສະໝອນ ທິບພາວັນ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ແລະ ທ່ານ ຕະບອງເພັດ ພຸດທະວົງ ວ່າການຫົວໜ້າພະແນກໂຄສະນາ ແລະ ສື່ມວນຊົນ ອົງການຢູນີເຊັບ ປະຈຳ ສປປ ລາວ. ໂດຍມີບັນດາພະນັກງານການນຳ ແລະ ວິຊາການດ້ານວຽກງານຖະແຫຼງຂ່າວຈາກ 8 ແຂວງພາກເໜືອເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຄົ້ນຄ້ວາ, ປຶກສາຫາລືກ່ຽວກັບວຽກງານປົກປ້ອງເດັກ, ການໃຫ້ຄຳປຶກສາແກ່ໄວໜຸ່ມ ແລະ ການແນະນຳກ່ຽວກັບສື່ໂຄສະນາການປົກປ້ອງເດັກ-ການປ້ອງກັນພະຍາດໂຄວິດ-19 ໂດຍສະເພາະແມ່ນ ໄດ້ແນະນຳສະປອດໂຄສະນາທາງວິທະຍຸ-ໂທລະພາບ ແລະ ໂທລະໂຄ່ງ ໃຫ້ແກ່ພະນັກງານການນຳ ແລະ ວິຊາການຂະແໜງຖະແຫຼງຂ່າວ 8 ແຂວງພາກເໜືອ ໄດ້ນຳໄປໂຄສະນາຢ່າງກ້ວາງຂວາງ.

Medialaos MMD