ເກືອບວ່າໂທລະສັບທຸກລຸ້ນໃນປະຈຸບັນມີໂໝດ Airplane ສຳລັບການໃຊ້ງານ ເຊິ່ງສາມາດເປີດ ແລະ ປິດການໃຊ້ງານໄດ້ຈາກການຕັ້ງຄ່າ ຫຼື ແຖບເມນູການຕັ້ງຄ່າດ່ວນ ແຕ່ໃນຄວາມເປັນຈິງແລ້ວໂໝດ Airplane ສາມາດເຮັດຫຍັງໄດ້ແດ່? ແລະ ວິທີທີ່ຈະເຮັດໃຫ້ເກີດປະໂຫຍດສູງສຸດມີຫັຍງແດ່? ເຮົາມາເບີ່ງນຳກັນເລີຍ.

ໂໝດ Airplane ແມ່ນຫຍັງ?

ໂໝດ Airplane ເປັນໜຶ່ງໃນຮູບແບບການຕັ້ງຄ່າຢູ່ໃນໂທລະສັບທຸກລຸ້ນ ເຖິງແມ່ນວ່າຄອມພິວເຕີ ໂນດບຸກ ຫຼື ອຸປະກອນພົກພາກໍ່ມັກມີໃຫ້ເຫັນໃນປັດຈຸບັນ ເມື່ອທ່ານເລີ່ມໃຊ້ລະບົບຈະມີ ການປິດຕົວສົ່ງ ແລະ ຮັບສັນຍານຕ່າງໆ ທັງໝົດ ພ້ອມທັງມີສັນຍາລັກໂໝດ Airplane ແຈ້ງເຕືອນໃນແຖບສະຖານະ.

ຄຸນລັກສະນະນີ້ເອີ້ນວ່າໂໝດການບິນ (Airplane) ເພາະວ່າສາຍການບິນສ່ວນໃຫຍ່ໄດ້ປະກາດຫ້າມໃຊ້ອຸປະກອນແບບໄຮ້ສາຍຢູ່ໃນຍົນ ໂດຍມີຂໍ້ຂັດແຍ່ງກັນວ່າລະບົບເຫຼົ່ານີ້ຈະເຂົ້າໄປລົບ ກວນການເຮັດວຽກຂອງຄື້ນວິທະຍຸໃນຍົນ.

ໂໝດ Airplane ເຮັດຫັຍງໄດ້ແດ່?

ເມື່ອເປີດໂໝດ Airplane ລະບົບຈະປິດທຸກຟັງຊັນທີ່ເຊື່ອມຕໍ່ແບບໄຮ້ສາຍທັງໝົດ ລວມທັງ:

  • ສັນຍານໂທລະສັບມືຖື: ທ່ານຈະບໍ່ສາມາດໂທເຂົ້າໂທອອກ, ສົ່ງຂໍ້ຄວາມ ແລະ ໃຊ້ອິນເຕີເນັດມືຖືໄດ້.
  • Wi-Fi: ໂທລະສັບຈະຕັດການເຊື່ອມຕໍ່ຈາກ Wi-Fi ທີ່ກຳລັງເຊື່ອມຕໍ່ຢູ່.
  • ສາມາດເຊື່ອມຕໍ່ອີກຄັ້ງ.
  • Bluetooth: ນີ້ແມ່ນການເຊື່ອມຕໍ່ແບບໄຮ້ສາຍໄລຍະສັ້ນໆ ເຮັດໃຫ້ມັນບໍ່ສາມາດເຊື່ອມຕໍ່ກັບອຸປະກອນ ເຊັ່ນ: ລໍາໂພງ, ຫູຟັງ ແລະ ອື່ນໆ ທີ່ເປັນອຸປະກອນທີ່ເຊື່ອມຕໍ່ຜ່ານ Bluetooth ໄດ້.

ໂໝດ Airplane ປະຢັດແບັດເຕີຣີໄດ້ບໍ່?

ຄຳຕອບຄື “ປະຢັດໄດ້” ເພາະວ່າຜູ້ຮັບ ແລະ ສົ່ງຄື້ນວິທະຍຸໃນໂທລະສັບໃຊ້ພະລັງງານຫຼາຍ ແຖມຍັງເຮັດໃຫ້ມີຄຸນລັກສະນະອື່ນໆ ອີກ ທີ່ໃຊ້ແບັດເຕີຣີຫຼາຍເຊັ່ນກັນ ດັ່ງນັ້ນການປິດໂໝດ Airplane ຈະຊ່ວຍປະຢັດແບັດເຕີຣີ ແລະ ຍັງສາມາດສາກແບັດເຕີຣີໄດ້ເຕັມໄວນຳອີກດ້ວຍ.

ໃຊ້ Wi-Fi ໃນໂໝດ Airplane ໄດ້ບໍ່?

ຄວາມຈິງແລ້ວມັນຂື້ນກັບແຕ່ລະລຸ້ນຂອງໂທລະສັບ ແຕ່ລຸ້ນໃໝ່ສ່ວນໃຫຍ່ຈະເປີດໃຊ້ Wi-Fi ໄດ້ໃນເວລາທີ່ເປີດໂໝດ Airplane ຊື່ງການເຂົ້າເປີດດ້ວຍຕົນເອງ.

ປັດຈຸບັນມີສາຍການບິນຫຼາຍສາຍທີ່ສາມາດໃຊ້ Wi-Fi ໃນເທິງຍົນໄດ້ ແຕ່ເພື່ອຄວາມປອດໄພກໍ່ຄວນຈະໃຊ້ໃນລະຫວ່າງບິນສູງກວ່າ 10,000 feeds ແລະ ເມື່ອຍົນລົງຈອດ ຫຼື ກຳລັງລົງຈອດຢູ່ພື້ນດິນກໍ່ຄວນປິດການໃຊ້ງານຕາມຄຳແນະນຳຂອງສາຍການບິນຈະດີກວ່າ.

Bluetooth ເຮັດວຽກໃນໂໝດ Airplane ໄດ້ບໍ່?

Bluetooth ຈະຖືກປິດໃຊ້ງານຄືກັບ Wi-Fi ເມື່ອເປີດໂໝດ Airplane ແລະ ກໍ່ກັບມາເປີດດ້ວຍຕົນເອງໄດ້ເຊັ່ນກັນ ສິ່ງສຳຄັນ Bluetooth ໃນສາຍການບິນບໍ່ມີຄວາມສົນໃຈຫຼາຍ ເນື່ອງຈາກເປັນການເຊື່ອມຕໍ່ທີ່ໃກ້ໆ ເຮັດໃຫ້ການເຊື່ອມຕໍ່ກັບຫູຟັງໃນເວລາທີ່ບິນສູງຫຼາຍກ່ວາ 10,000 feeds ໄດ້ສະບາຍ.

ສາມາດໃຊ້ສັນຍານມືຖືໄດ້ບໍ່ໃນຂະນະທີ່ກຳລັງເປີດໂໝດ Airplane?

ບໍ່ສາມາດໃຊ້ໄດ້ຢ່າງແນ່ນອນເພາະວ່າໂໝດ Airplane ຈະປິດສັນຍານໂທລະສັບມືຖື ແລະ ບໍ່ໃຫ້ຜູ້ໃຊ້ເປີດສັນຍານມືຖືໄດ້ດ້ວຍຕົນເອງ ເຮັດໃຫ້ລັກສະນະການໂທເຂົ້າໂທອອກ ແລະ ການສົ່ງຂໍ້ ຄວາມຖືກປິດຢ່າງສົມບູນ.

ໂໝດ Airplane ຈະຊ່ວຍເກມໄດ້ແນວໃດ?

ຖ້າທ່ານມັກຫຼີ້ນເກມໃນໂທລະສັບ ແຕ່ບໍ່ມັກໂຄສະນາປະກົດຂຶ້ນມາ ຊື່ງໂໝດAirplane ສາມາດຊ່ວຍໄດ້ ເພາະມັນຈະປິດການເຊື່ອມຕໍ່ອິນເຕີເນັດທັງໝົດ ເຮັດໃຫ້ການໂຄສະນາເຫຼົ່ານັ້ນບໍ່ປາ ກົດຂື້ນ ເຖິງຢ່າງໃດກໍ່ຕາມມັນບໍ່ສາມາດໃຊ້ ສຳລັບເກມທີ່ຕ້ອງການໃຊ້ອິນເຕີເນັດໄດ້ຕະຫຼອດເວລາ.

ເວລາຟັງເພັງຖ້າຫາກເປີດໂໝດ Airplane

ຕາມປົກກະຕິ Application Steaming Music ສາມາດຟັງເພັງໄດ້ເມື່ອມີການເຊື່ອມຕໍ່ອິນເຕີເນັດ ຊື່ງຖ້າຟັງເພັງ online ຕ້ອງໄດ້ດາວໂຫຼດ ຫຼື ເຂົ້າເປັນສະມາຊິກ VIP ເທົ່ານັ້ນ.

ແຕ່ພວກເຮົາຢາກແນະນຳ JOOX Application Steaming Music ເຊິ່ງມີລະບົບຟັງແບບ ອອບໄລທີ່ງ່າຍ ພຽງແຕ່ບັນທຶກເພັງຟັງໃນລາຍການເພັງຂອງທ່ານ ແລະ ຟັງເພັງອອຟໄລ ແຖມຍັງມີລະບົບເກັບຂໍ້ມູນເພັງທີ່ເຄີຍຟັງໄດ້ເຖິງ 100 ເພັງ ເພື່ອຟັງແບບ offline ໄດ້ອີກຕໍ່ໄປ.

ເຊື່ອວ່າຂ້າງເທິງນັ້ນຈະເປັນປະໂຫຍດຕໍ່ຫຼາຍໆ ທ່ານ ແຕ່ກໍ່ຢາກຝາກໃຫ້ຄຳແນະນຳອີກຢ່າງໜື່ງ ຖ້າທ່ານຕ້ອງເດີນທາງດ້ວຍຍົນໃນໄລຍະທາງໄກໆ ໃຫ້ດາວໂຫຼດເພັງ ຫຼື ຮູບເງົາໄວ້ໃນໂທລະສັບຈະເປັນການດີກ່ວາ ເພາະວ່າທ່ານບໍ່ຈຳເປັນຕ້ອງກັງວົນກ່ຽວກັບການເຊື່ອມຕໍ່ຕ່າງໆ.