1. ກິນຜັກທີ່ມີສີສັນທຸກມື້ ສີສັນຂອງຜັກນອກຈາກເບິ່ງສວຍງາມແລ້ວ ຜັກແຕ່ລະຊະນິດຍັງມີປະລິ ມານແຕກຕ່າງກັນ ແລະ ປະເພດທາດ phytonutrients ຂື້ນຢູ່ກັບສີຂອງຜັກ ດັ່ງນັ້ນການກິນຜັກຫຼາຍໆ ຊະນິດ ຫຼື ກິນຜັກໃຫ້ຄົບທັງໝົດ 5 ສີແມ່ນມີປະໂຫຍດຕໍ່ສຸຂະພາບຫຼາຍ.

ສານສີແດງ ເຊັ່ນ: ໝາກເລັ່ນມີສານຕ້ານອະນຸມູນອິດສະຫຼະ ທີ່ເອີ້ນວ່າ “lycopene” ເຊິ່ງຊ່ວຍຫຼຸດຜ່ອນຄວາມສ່ຽງໃນການເປັນໂລກມະເຮັງຕ່ອມລູກໝາກ ມະເຮັງລຳໄສ້ ແລະ ມະເຮັງປອດ.

ສານສີເຫຼືອງ/ສີສົ້ມ ເຊັ່ນ: ໝາກອຶ ແລະ ແຄລອດມີສານຕ້ານອະນຸມູນອິດສະລະ “Carotenoids” ແລະ ອຸດົມໄປດ້ວຍວິຕາມິນທີ່ສາມາດຕ້ານອະນຸມູນອິດສະລະໃນຮ່າງກາຍ.

ສານສີຂຽວ ເຊັ່ນ: ຜັກກາດນາ ແລະ broccoli ແມ່ນອຸດົມໄປດ້ວຍວິຕາມິນຊີ ລວມທັງຄວາມຜັກບົ້ງ ຕຳລິນ ກວາງຕຸ້ງ ຊື່ງປະກອບດ້ວຍວິຕາມິນເອ.

ສານສີມ້ວງ ເຊັ່ນ: ກະລໍ່າສີມ່ວງ, ໝາກເຂືອສີມ້ວງ, ຜັກສີມ່ວງເຫຼົ່ານີ້ມີສານແອນໂທໄຊຍານິນ ເຊິ່ງສາມາດຍັບຍັ້ງສານກໍ່ໃຫ້ເກີດໂລກມະເຮັງ.

ສານສີຂາວ ເຊັ່ນ: ຜັກກາດຂາວ, ໝາກເຂືອ, ດອກແຄ ມີສານເບຕ້າແຄໂຣທີນສູງ ເຊິ່ງມີຄວາມສາມາດໃນການຕ້ານສານອະນຸມູນອິດສະລະ.

2. ກິນໝາກໄມ້ ແລະ ຜັກເປັນປະຈຳ ໝາກໄມ້ມີວິຕາມິນ ແລະ ແຮ່ທາດຫຼາຍຢ່າງທີ່ມີປະໂຫຍດຕໍ່ຮ່າງກາຍ ລວມທັງເສັ້ນໃຍອາຫານທີ່ຊ່ວຍລະບົບຍ່ອຍອາຫານ ຊື່ງເຮັດໃຫ້ລະບົບຍ່ອຍອາຫານເຮັດວຽກໄດ້ຢ່າງເປັນປົກກະຕິ ເຊັ່ນ: ໝາກກ້ຽງ, ໝາກນັດ ແລະ ໝາກມ່ວງ ທີ່ມີທັງວິຕາມິນ C ແລະສານຕ້ານອະນຸມູນອິດສະລະ ເຊິ່ງຊ່ວຍຫຼຸດຜ່ອນຄວາມສ່ຽງຕໍ່ການເປັນໂລກມະເຮັງ ຫຼື ໝາກຫຸ່ງມີວິຕາມິນ A, B ແລະ C ທີ່ຊ່ວຍໃຫ້ລະບົບຍ່ອຍອາຫານເຮັດວຽກໄດ້ເປັນປົກກະຕິ ແລະ ຫຼຸດຜ່ອນຄວາມສ່ຽງເປັນໂລກມະເຮັງໄດ້ເຊັ່ນກັນ.

3. ປຸງແຕ່ງອາຫານປະເພດເມັດພືດ ແລະ ເສັ້ນໃຍ ປະເພດເມັດພືດທັງໝົດແມ່ນເມັດທີ່ບໍ່ໄດ້ຜ່ານການຂັດສີ ຫຼື ຂັດສີໜ້ອຍທີ່ສຸດ ເປັນຕົ້ນແມ່ນເຂົ້າກ້ອງ, ເຂົ້າສາລີ, ເມັດເດືອຍ ແລະ ອື່ນໆ ເສັ້ນໃຍໃນເມັດພືດທັງໝົດມີບົດບາດສຳຄັນໃນການທຳລາຍສານທີ່ເປັນອັນຕະລາຍທີ່ຕິດຢູ່ໃນລຳໄສ້ເພື່ອໃຫ້ຂັບຖ່າຍໄດ້ງ່າຍ ສະນັ້ນຈີ່ງມີສ່ວນສຳຄັນໃນການຫຼຸດຜ່ອນຄວາມສ່ຽງຕໍ່ການເປັນມະເຮັງລຳໄສ້ ແລະ ມະເລັງໃນກະເພາະອາຫານ.

4. ໃສ່ເຄື່ອງເທດເພື່ອເພີ່ມລົດຊາດຂອງອາຫານ ເຄື່ອງເທດໝາຍເຖິງສ່ວນຕ່າງໆ ຂອງພືດທີ່ຖືກນຳມາໃຊ້ເປັນເຄື່ອງປຸງອາຫານ ຫຼື ເພື່ອໃຫ້ອາຫານມີກິ່ນຫອມ ແລະ ຍັງມີສັບພະຄຸນຊ່ວຍຫຼຸດຜ່ອນຄວາມສ່ຽງຂອງການເປັນມະເຮັງນຳອີກ.

5. ເພີ່ມສານຕ້ານອະນຸມູນອິດສະລະ ໂດຍການດື່ມເຄື່ອງດື່ມຈາກທຳມະຊາດທີ່ນຳມາຈາກສ່ວນຕ່າງໆ ຂອງພືດ ເຊັ່ນ: ຊາຂຽວທີ່ອຸດົມໄປດ້ວຍ EGGC ເຊິ່ງສາມາດຊ່ວຍຫຼຸດຜ່ອນຄວາມສ່ຽງຂອງເຊວມະເຮັງ.

6. ປຸງແຕ່ງອາຫານໃຫ້ຖືກວິທີ ເຊັ່ນ: ໄມ້ປີ້ງອາຫານປະເພດຊີ້ນທີ່ປີ້ງຈົນໃໝ້ ບໍ່ກິນອາຫານສຸກໆ ດິບໆ ແລະ ບໍ່ຄວນໃຊ້ນໍ້າມັນຈືນອາຫານຫຼາຍໆ ເທື່ອຊໍ້າກັນ.

7. ຫຼຸດຜ່ອນການບໍລິໂພກຊີ້ນແດງ ເນື່ອງຈາກວ່າມັນເປັນອາຫານທີ່ມີໄຂມັນອີ່ມຕົວສູງ ເຮັດໃຫ້ມີຄວາມສ່ຽງທີ່ຈະເປັນມະເຮັງລຳໄສ້ໃຫຍ່ ແລະ ມະເຮັງຮູທະວານ ມະເຮັງເຕົ້ານົມ ແລະ ພະຍາດຕຸ້ຍ.

8. ເກືອ ແລະ ອາຫານດອງຕ້ອງໜ້ອຍ ທາດໂຊດຽມມັກພົບເຫັນຢູ່ໃນຊີ້ນເຄັມ, ປາເຄັມ ແລະ ໝາກໄມ້ດອງ ມັນມີບົດບາດສຳຄັນຫຼາຍຕໍ່ຂະບວນການຕ່າງໆ ໃນຮ່າງກາຍ ແຕ່ຖ້າໄດ້ຮັບປະລິມານຫຼາຍເກີນໄປກໍ່ອາດເປັນອັນຕະລາຍຕໍ່ຮ່າງກາຍໄດ້ເຊັ່ນກັນ.

9. ຫຼີກລ່ຽງອາຫານທີ່ມີໄຂມັນ ໂດຍສະເພາະອາຫານທີ່ມີກົດໄຂມັນອີ່ມຕົວ ເຊິ່ງມີຢູ່ໃນຊີ້ນ ແລະ ນໍ້າມັນພືດ ເຊັ່ນ: ນໍ້າມັນເບີ, ໄຂມັນສັດ, ກະທິໝາກພ້າວ, ນໍ້າມັນໝາກພ້າວ ແລະ ນໍ້າມັນປາມ.