ສະພາບນ້ຳຖ້ວມຢູ່ແຂວງສາລະວັນ ໃນວັນທີ 5 ກັນຍາ 2019 ເຫັນວ່າລະດັບນ້ຳໃນເຂດເທ ສະບານເມືອງ ແລະ ແຂວງສາລະວັນ ແມ່ນໄດ້ເລີ່ມບົກລົງແຕ່ຕອນແລງໃນວັນທີ 4 ກັນ ຍາ, ເສັ້ນທາງຫລາຍເສັ້ນສາມາດສັນຈອນໄດ້ຕາມປົກກະຕິ, ຍົກເວັ້ນໃນບາງເຂດ ໂດຍສະ ເພາະແມ່ນ ຈຸດຕະຫລາດສາລະວັນ, ຈຸດບ້ານວັດກາງ ແຕ່ເສັ້ນທາງ ຫ້ອງວ່າການ ປົກຄອງ ແຂວງ ຫາ ເຮືອນຮັບແຂກຂອງແຂວງ, ຈຸດບ້ານໂພນແກ້ວ, ນາເຫລັກ, ໂພນບົກ ແລະ ຈຸດອື່ນໆທີ່ຢູ່ພື້ນທີ່ຕ່ຳຍັງບໍ່ສາມາດນຳໃຊ້ພາຫະນະປະເພດລົດໄດ້ ເພາະຍັງມີນ້ຳຖ້ວມຂັງ ໃນລະດັບທີ່ສູງສົມຄວນ. ປັດຈຸບັນນີ້, ເຈົ້າໜ້າທີ່ ພວມເຝົ້າລະວັງ ແລະ ຕິດຕາມ ສະຖານະ ການດັ່ງກ່າວ ຕະຫລອດ 24 ຊົ່ວໂມງ.

ຂະນະ​ທີ່ຢູ່ເມືອງວາປີ ແລະ ເມືອງຄົງເຊໂດນ ລະດັບນ້ຳຍັງໄດ້ຖ້ວມສູງຂຶ້ນເລື້ອຍໆ ເຮັດໃຫ້ ເສັ້ນທາງ ເລກທີ 13 ໃຕ້ ແຕ່ທະນາຄານພັດທະນາລາວໜ່ວຍບໍລິການເມືອງຄົງເຊໂດນ ຫາ ບ້ານຫ້ວຍເຊົາ ຍັງບໍ່ສາມາດສັນຈອນໄດ້. ມາຮອດປັດຈຸບັນນີ້ ເຈົ້າໜ້າທີ່, ອາສາໜ່ວຍກູ້ ໄພ, ອຳນາດການປົກຄອງບ້ານ ແລະ ພໍ່ແມ່ປະຊາຊົນ ໄດ້ພ້ອມກັນຊ່ວຍເຫລືອປະຊາຊົນ ທີ່ ຢູ່ເຂດປະສົບໄພນ້ຳຖ້ວມເຂົ້າມາຢູ່ເຂດປອດໄພ, ​ເຊິ່ງອຳນາດການປົກຄອງເມືອງໄດ້ປະ ກອບສ່ວນຊ່ວຍເຫລືອເຂົ້າສານ-ອາຫານແຫ້ງ, ເຄື່ອງອຸປະໂພກ-ບໍລິໂພກ ຈຳນວນໜຶ່ງທີ່ ຈຳເປັນເພື່ອແຈກຢາຍ ໃຫ້ຜູ້ປະສົບໄພນ້ຳຖ້ວມ. ສ່ວນຂໍ້ມູນຄວາມເສຍຫາຍ​ ແມ່ນ​ຍັງ​ບໍ່​ສາ ມາດ​ປະ​ເມີນ​ໄດ້.

ສ່ວນພໍ່ແມ່ປະຊາຊົນ, ບັນດາພະນັກງານໃນຂອບເຂດບ້ານເທສະບານແຂວງເຂດທີ່ມີນ້ຳ ບົກ​ແຫ້ງ ແມ່ນໄດ້ເຂົ້າເກັບມ້ຽນວັດຖຸສິ່ງຂອງ ແລະ ລ້າງເຮືອນຊານ, ສຳນັກງານຫ້ອງການ ຕ່າງໆ, ຫ້າງຮ້ານ ແລະ ອື່ນໆຈຳນວນໜຶ່ງ. ນອກຈາກນັ້ນ, ຄະນະກຳມະການ ຄວບຄຸ້ມໄພພິ ບັດຂັ້ນແຂວງ ໄດ້ປຸກລະດົມທຸກພາກສ່ວນໃນສັງຄົມເຂົ້າມາມີສ່ວນຮ່ວມ ໃນການຊ່ວຍ ເຫຼືອແບ່ງເບົາບັນເທົາທຸກຜູ້ປະສົບໄພນ້ຳຖ້ວມ, ພ້ອມນັ້ນຍັງໄດ້ເອົາໃຈໃສ່ສືບຕໍ່ ເກັບກຳ ຂໍ້ມູນ ຜົນເສຍຫາຍ ທີ່ເກີດຂຶ້ນໃນຄັ້ງນີ້ ແລະ ຕິດຕາມບັນຫາພະຍາດທີ່ອາດຈະລະບາດ ຫລັງນ້ຳຖ້ວມ.

ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ