ວັນທີ 20 ສິງຫາ 2020 ເວລາ 15:00 ໂມງ ທີ່ຫ້ອງຮັບແຂກຊັ້ນສອງ ຕຶກກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ມີພິທີມອບ-ຮັບເຄື່ອງຊ່ວຍເຫຼືອລ້າຈາກກອງທຶນວັດທະນະທຳ ແລະ ການສຶກສາຫົວຢຽນ ນະຄອນຊົງຊິ້ງ ສາທາລະນະລັດ ປະຊາຊົນຈີນ ເຊິ່ງມີມູນຄ່າຫຼາຍກ່ວາ ໜຶ່ງຮ້ອຍລ້ານກີບ ມອບໃຫ້ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເພື່ອນຳໃຊ້ເຂົ້າໃນວຽກງານຕ້ານ ແລະ ສະກັດກັ້ນ ພະຍາດໂຄວິດ-19.

ໃຫ້ກຽດຮັບໂດຍ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງ ຖ.ວ.ທ ພ້ອມດ້ວຍ ວ່າການຫົວໜ້າຫ້ອງການກະຊວງ, ຕາງໜ້າກົມຮ່ວມມືສາກົນ, ຕາງໜ້າກົມແຜນການ-ການເງິນ ແລະ ຕາງໜ້າກົມສື່ມວນຊົນ,

ໃຫກຽດມອບໂດຍ ທ່ານ ຈ້າວ ຈີຢູນ ( Zhao JIYOUN) ຫົວໜ້າຜູ້ອຳນວຍການສູນຜະລິດຮູບເງົາ ແລະ ລາຍການໂທລະພາບລາວ ພ້ອມດ້ວຍຄະນະ, ເຄື່ອງທີ່ມາມອບໃນຄັ້ງນີ້ປະກອບມີ:

  1. ຄອມພິວເຕີຫ້ອງການ 10ຊຸດ
  2. ໜ້າກາກອັດປາກ 50,000 ອັນ
  3. ຖົງມືທາງການແພດ 5,000ອັນ