ຫົວໜ້າການເມືອງກອງບັນຊາການທະຫານແຂວງສະຫວັນະເຂດ ລົງຢ້ຽມຢາມນາຍ ແລະ ພົນທະຫານທີ່ປະຕິບັດໜ້າທີ່ຕາມການຈັດຕັ້ງຂັ້ນເທີງມອບໝາຍໃຫ້.ໃນວັນທີ 3 ກັນຍາ 2019 ນີ້ ສະຫາຍ ພົນຈັດຕະວາ ຈະເລີນ ວົງວິໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ ໄດ້ລົງພົບປະໂອ້ລົມພະນັກງານ-ນັກຮົບທີ່ປະຕິບັດໜ້າທີ່ຕາມການຈັດຕັ້ງຂັ້ນເທີງມອບໝາຍໃຫ້ໂດຍສະເພາະແມ່ນໄປຊ່ວຍເຫຼືອພໍ່ແມ່ປະຊາຊົນທີ່ກຳລັງໄດ້ຮັບຜົນກະທົບຈາກໄພນຳ້ຖ້ວມໃນທົ່ວແຂວງ ກ່ອນອື່ນ ສະຫາຍ ພົນຈັດຕະວາ ຈະເລີນ ວົງວິໄຊ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ ໄດ້ຮັບຟັງການລາຍງານຫຍໍ້ໃນການປະຕິບັດໜ້າທີ່ເຮັດໃຫ້ສະພາບມີຄວາມສະຫງົບໃນຂອບເຂດຄວາມຮັບພິຊອບ ແລະ ກຽມພ້ອມລົງຊ່ວຍເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນຳ້ຖ້ວມໃນປີນີ້.ເຊິ່ງມີທັງສິ່ງເອື້ອອຳນວຍ ແລະ ສິ່ງທ້າທາຍຫຼາຍຢ່າງທີ່ຈະຕ້ອງໄດ້ບູກບືນຜ່ານຜ່າໃຫ້ໄດ້ຮັບຜົນສຳເລັດຈາກສະຫາຍ ພັນໂທ ພັນວິໄລ ລາດສະຍົນ ຫົວໜ້າການທະຫານກອງພັນທີ 4 ຈາກນັ້ນ ສະຫາຍ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ,ກໍ່ໄດ້ມີຄຳເຫັນໂອ້ລົມ ໂດຍເນັ້ນໃຫ້ຄະນະພັກ-ຄະນະບັນຊາເອົາໃຈໃສ່ຊີ້ນຳ-ນຳພາພະນັກງານ-ນັກຮົບທຸກສະຫາຍເອົາໃຈໃສ່ປະຕິບັດລະບຽບວິໄນຂອງກອງທັບຢ່າງເຂັ້ມງວດ,ເຊື່ອໝັ້ນຕໍ່ການນຳພາຂອງພັກ – ລັດ ແລະ ການຈັດຕັ້ງຂັ້ນເທີງ,ມີສະຕິລະວັງຕົວຢູ່ສະໝຳ່ສະເໝີ,ເພື່ອພ້ອມກັນເຮັດສຳເລັດໜ້າທີ່ສຳຄັນດັ່ງກ່າວທີ່ພັກ-ລັດມອບໝາຍໃຫ້.ໃນໂອກາດລົງຢ້ຽມຢາມຄັ້ງນີ້ສະຫາຍ ກໍ່ໄດ້ນຳເອົາເຄື່ອງຕ້ອນຂອງຝາກເປັນຕົ້ນປາກະປອງ 2 ແກັດໃຫ່ຍ,ກະເຟ 1 ແກັດ ແລະ ເຄື່ອງຫຼິ້ນກິລາຈຳນວນໜື່ງ.ຂ່າວຍັງໃຫ້ຮູ້ອີກວ່າ ໃນຕອນບ່າຍຂອງວັນດຽວກັນນັ້ນ ສະຫາຍ ພົນຈັດຕະວາ ຈະເລີນ ວົງວິໄຊ ຫົວໜ້າການເມືອງກອງບັນຊາການທະຫານແຂວງ ຍັງໄດ້ລົງຕິດຕາມເບີ່ງອ້າຍນ້ອງທະຫານເມືອງສອງຄອນທີ່ລົງຊ່ວຍເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນຳ້ຖ້ວມຢູ່ທີ່ບ້ານລະຫານຳ້,ເມືອງສອງຄອນ,ແຂວງສະຫວັນະເຂດ,ເຊິ່ງສະຫາຍ ພຸດທະວົງ ພົມມະຈັກ ຮອງເຈົ້າເມືອງສອງຄອນ ຫົວໜ້າຄະນະຮັບພິຊອບຕ້ານໄພພິບັດຂັ້ນເມືອງທີປະຈຳຢູ່ພື້ນທີ່ບ້ານດັ່ງກ່າວໄດ້ໃຫ້ຮູ້ວ່າ ປັດຈຸບັນນີ້ສະພາບນຳ້ແມ່ນຢູ່ໃນການເຝົ້າລະວັງ ເພາະນຳ້ໄດ້ເພີ້ມຂື້ນເລື້ອຍໆ ແຕ່ພວກເຮົາໄດ້ຈັດວາງກຳລັງໃນການຊ່ວຍເຫຼຶອປະຊາຊົນເພື່ອເຄື່ອນຍ້ານວັຖຸສິ່ງຂອງຕະຫຼອດຮອດການກຽມພ້ອມເຄື່ອນຢ້າຍຄົນ ແລະ ສັດອອກຈາກພື້ນທີ່ດັ່ງກ່າວໃຫ້ປອດໄພແລ້ວ.