ໃນມໍ່ໆ ນີ້ໄດ້ມີການນຳສະເໜີຂ່າວສານທາງສື່ອອນລາຍ ກ່ຽວກັບກໍລະນີເຈົ້າໜ້າທີ່ວິຊາມັນຄາດຕະກຳຄົນຮ້າຍໃນວັນທີ 22 ເດືອນສີງຫາ 2020 ເວລາ 19 ໂມງ ຢູ່ບ້ານຫັດສະດີບໍລິເວນຕະຫຼາດເຊົ້າ ເມືອງຈັນທະບູລີ ນະຄອນຫຼວງວຽງຈັນ ນັ້ນຕ້ອງຟັງຖະແຫຼງຂ່າວຈາກທາງການ ໂດຍສະເພາະແມ່ນເຈົ້າໜ້າທີ່ຕຳຫຼວດ ເມືອງຈັນທະບູລີ ເທົ່ານັ້ນຈື່ງຮູ້ສາເຫດທີ່ໄປ-ທີ່ມາຂອງເລື່ອງດັ່ງກ່າວ.
ຕາມຮູ້ຂໍ້ມູນໃນເບື້ອງຕົ້ນແມ່ນເຈົ້າໜ້າທີ່ຕິດຕາມຄົນຮ້າຍມາແລ້ວພະຍາຍາມຈະເຂົ້າຈັບກຸມຄົນຮ້າຍແຕ່ຂັດຂືນບໍ່ທໍ່ນັ້ນຍັງໃຊ້ປືນຍີງໃສ່ເຈົ້າໜ້າທີ່ເຖີງສອງນັດແຕ່ບໍ່ຖືກ. ສະນັ້ນເພື່ອປ້ອງກັນຕົນເອງຕາມຫຼັກວິຊາສະເພາະຂອງເຈົ້າໜ້າທີ່ຈື່ງຍີງປ້ອງກັນຕົນເອງ… ຄົນຮ້າຍໄດ້ຮັບບາດເຈັບ ແລະ ເສຍຊີວິດ. ສຳລັບລາຍລະອຽດເຈົ້າໜ້າທີ່ເພີ່ນຈະຖະແຫຼງຂ່າວຕື່ມອີກ.
ສະນັ້ນຈື່ງຂໍຮຽກຮ້ອງໃຫ້ໝົດທຸກຄົນເຂົ້າໃຈ ແລະ ຕິດຕາມການຖະແຫຼງຂ່າວຈາກທາງການກ່ຽວຂ້ອງ… ໃຫ້ຢຸດຕິການເລົ່າຕໍ່ຂະຫຍາຍຕໍ່ວ່າໃນເຫດການກໍ່ຄວາມບໍ່ສະຫງົບຍີງກັນກາງເມືອງ ລະຫວ່າງເຈົ້າໜ້າທີ່ກັບຄົນຮ້າຍທີ່ມີພຶດຕິກຳກໍ່ເຫດຊີງຊັບເພາະນັບແຕ່ນັບແຕ່ເດືອນມິຖຸນາເປັນຕົ້ນມາ ທົ່ວເມືອງຈັນທະບູລີມີກໍລະນີກໍ່ເຫດຊີງຊັບເກີດຂື້ນ 12 ຄັ້ງ..
ມີແຕ່ຊ່ວຍກັນອະທິບາຍໃຫ້ສັງຄົມເຂົ້າໃຈ-ມີຄວາມສະຫງົບເພື່ອຄວາມສາມັກຄີປອງດອງ.

ບກ. ມີເດັຍລາວ