ໃນຕອນແລງ ຂອງວັນທີ 5 ກັນຍາ 2019 ທີ່ ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ກຽດຮັບເງິນຊ່ວຍເຫລືອຜູ້ປະສົບໄພພິບັດນ້ຳຖ້ວມຈາກ ທ່ານ ຈັນທະໜອມ ພົມມະນີ ປະທານບໍລິສັດ ຈະເລີນເຊກອງພະລັງງານ ຈຳກັດ, ມູນຄ່າ 2 ຕື້ກີບ(ເງິນສົດ 1 ຕື້ກີບ ແລະ ວັດຖຸສິ່ງຂອງ 1 ຕື້ກີບ) ແລະ ທ່ານ ນາງ ສຸດດາລາວັນ ສີຫາ ພົມ ຕາງໜ້າກຸ່ມບໍລິສັດ ພອນສັກ ຈຳນວນ 2 ຕື້ກີບ.

ບໍລິສັດມອບເງິນຊ່ວຍເຫຼືອຜູ້ປະສົບໄພນ້ຳຖ້ວມພາກໃຕ້

ໃນໂອກາດນີ້, ທ່ານນາຍົກລັດຖະມົນຕີໄດ້ກ່າວຂອບໃຈ ຕໍ່ທັງສອງບໍລິສັດທີ່ໄດ້ໃຫ້ການຊ່ວຍ ເຫລືອບັນເທົາທຸກ ແກ່ຜູ້ປະສົບໄພນໍ້າຖ້ວມໃນປີນີ້, ພ້ອມທັງ ໃຫ້ຄໍາໝັ້ນ ສັນຍາວ່າ ຈະນໍາເອົາວັດຖຸສິ່ງຂອງ ທີ່ໄດ້ຮັບການຊ່ວຍເຫລືອດັ່ງກ່າວ ໄປມອບຕໍ່ໃຫ້ຮອດໃຫ້ເຖິງປະຊາ ຊົນ ທີ່ປະສົບໄພພິບັດນໍ້າຖ້ວມຢ່າງທົ່ວເຖິງ.