ໃນວັນທີ 5 ກັນຍາ 2019ທີ່ຜ່ານມາ, ທີມງານການນໍາແຂວງສະຫວັນະເຂດນໍາພາໂດຍ ທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ພ້ອມພະແນກການອ້ອມຂ້າງແຂວງເຊິ່ງມີບັນດາພະແນກການຕ່າງໆ ພະແນກແຜນການ ແລະ ການລົງທຶນແຂວງ,ພະແນກພະລັງງານບໍ່-ແຮ່,ພະແນກແຮງງານສະຫວັດດີການສັງຄົມ,ພະແນກຊັບພະຍາກອນທໍາມະຊາດແລະສີ່ງແວດລ້ອມແຂວງ,ຫ້ອງວ່າການແຂວງ,ພະແນກສາທາລະນະສຸກແຂງ ແລະ ພະແນກກະຊິກໍາປ່າໄມ້ແຂວງ ໄດ້ລົງມອບຂອງຊ່ວຍເຫຼືອໃຫ້ພໍ່ແມ່ປະຊາຊົນທີ່ຖືກຜົນກະທົບນໍ້າຖ້ວມມອບໃຫ້ຫ້ອງວ່າການເມືອງເພື່ອເອົາໄປແຈກຢາຍໃຫ້ຜູ້ຖືກຜົນກະທົບໃນຄັ້ງນີ້ສຳລັບເຄື່ອງທີ່ນໍາມາມອບມີ ຜ້າຮົ່ມ 50 ຜືນ,ໝີ່ 3 ແກັດໃຫຍ່,ນໍ້າດື່ມ 260 ແພັກ,ປາກະປ໋ອງ 6 ແກັດໃຫຍ່ ເປັນກຽດມອບໂດຍ ທ່ານ ປອ ໂພໄຊ ໄຊຍະສອນ ຮອງເຈົ້າແຂວງ ແຂວງສະຫວັນນະເຂດ ຕາງໜ້າຮັບ ທ່ານ ບຸນມາ ໄຊຍະກຸລາງຮອງເລຂາພັກເມືອງ,ປະທານແນວລາວສ້າງຊາດເມືອງຊ້ອງໜ້າພະແນກການອ້ອມຂ້າງແຂວງ ,ບັນດາການນໍາເມືອງ ແລະ ອະນຸກອງເລຂາເປັນສັກຂີພິຍານ,ຈາກນັ້ນການນໍາເມືອງເຊໂປນກໍ່ໄດ້ລາຍງານກ່ຽວກັບສະພາບນໍ້າຖ້ວມແຕ່ລະຈຸດໃຫ້ທາງການນໍາແຂວງຮັບຮູ້,

ສຸດທ້າຍທ່ານ ປອ ໂພໄຊ ໄຊຍະສອນຮອງເຈົ້າແຂວງສະຫວັນະເຂດໄດ້ໂອ້ລົມແນະນໍາຕື່ມຮຽກຮ້ອງໃຫ້ການນໍາເມືອງຕ້ອງເປັນເອກະພາບກັນ,ສືບຕໍ່ຕິດຕາມການເຝົ້າລະວັງລະດັບຂອງນໍ້າລຸດຫຼືເພີ່ມຂື້ນ,ຕິດຕາມສະພາບອາກາດຖ້າມີຝົນຕົກແມ່ນພ້ອມກັນສືບຕໍ່ຊ່ວຍເຫຼືອປະຊາຊົນທີ່ຖືກຜົນກະທົບຈາກນໍ້າຖ້ວມຢ່າງໃກ້ສິດ,ກະກຽມເຄື່ອງໃຊ້ອັນຈໍາເປັນເຊັ່ນ: ນໍ້າ,ອາຫານ,ຢາປົວພະຍາດ,ເຄື່ອງໃຊ້ທີ່ຈໍາເປັນ,ຫຼັງຈາກນັ້ນບັນດາທ່ານການນໍາຂັ້ນເມືອງຂັ້ນແຂວງກໍ່ໄດ້ເດີນທາງເລາະເບິ່ງຈຸດທີ່ໄດ້ຮັບຜົນກະທົບໄພນໍ້າຖ້ວມຄື: ບ້ານເຊໂປນເກົ່າ,ຂ່າວຍັງແຈ້ງຕື່ມອີກວ່າປະຈຸບັນຍັງມີຫຼາຍພາກສ່ວນເຂົາມາຊ່ວຍເຫລືອມອບເຄື່ອງບໍລິໂພກອາຫານແຫ້ງເພື່ອແກ້ໄຂສຸກເສີນບັນເທົາທຸກຂອງພໍ່ແມ່ປະຊາຊົນ,ທ່ານບຸນດາໄລ ເຄນນະວົງ ຫົວໜ້າພະແນກໄປສະນີໂທລະຄົມ ແລະ ການສື່ສານແຂວງພ້ອມດ້ວຍຄະນະທີມງານມອບນໍ້າດື່ມຈໍານວນ 100 ແພັກມູນຄ່າ1ລ້ານ3ແສນກີບ,ຫ້ອງການແຜນການການລົງທຶນເມືອງເຊໂປນມອບນໍ້າດື່ມ 2 ແພັກ ,ໝີ່ 2 ແກັດ,ຫ້ອງການຈຸລະພາກເມືອງເຊໂປນ ເຂົ້າ 2 ຖົງ,ໄຂ່ 2 ແຕະ,ນໍ້າ 2 ແພັກ,ປ໋ອງປາ 2 ແພັກ,ໝີ່ 2 ແກັດ.